The Financial Times: Hrecyja hatova abjavić defołt 

Hrecyja hatova abjavić defołt, kali nie zmoža dasiahnuć pahadnieńniaŭ ź mižnarodnymi kredytorami da kanca krasavika.

Ab hetym piša hazieta Financial Times sa spasyłkaj na krynicy, znajomyja z nastrojami ŭ hreckim uradzie.

Pa dadzienych vydańnia, urad, pierad jakim staić nieabchodnaść vypłaty zarobkaŭ u dziaržsiektary i dziaržaŭnych piensij, vyrašyŭ prapuścić u traŭni i červieni płaciažy Mižnarodnaha valutnaha fondu na sumu 2,5 miljarda jeŭra, kali pahadnieńnie nie budzie padpisana.

Urad sprabuje znajści hrošy, kab vypłacić u krasaviku zarpłaty dziaržsłužačym i piensii na ahulnuju sumu 2,4 miljarda jeŭra. Pry hetym, zhodna z hrafikam absłuhoŭvańnia doŭhu, Afinam nieabchodna vypłacić MVF da 1 maja 203 młn jeŭra, da 12 traŭnia — 770 miljonaŭ jeŭra, u červieni — jašče 1,6 miljarda jeŭra.

Bałkanskaja kraina sprabuje znajści krynicy papaŭnieńnia biudžetu dla vyratavańnia ad defołtu.

«My pryjšli da kanca šlachu. Kali jeŭrapiejcy nie vydaduć hrošy dla vyratavańnia, to nijakaj alternatyvy niama », — pryvodzicca mierkavańnie nienazvanaha ŭradavaha čynoŭnika, jaki mieŭ na ŭvazie mahčymaść abjavy defołtu.

Pry hetym adznačajecca, što papiaredžańnie ab mahčymym defołcie moža być taktyčnym chodam urada, jaki imkniecca damovicca ź mižnarodnymi kredytorami va ŭmovach chutkaha skaračeńnia dziaržaŭnaj kazny.

Jak piša FT, u karotkaterminovaj pierśpiektyvie abjaŭleńnie defołtu Afinami amal dakładna pryviadzie da prypynieńnia nadzvyčajnaj dapamohi Jeŭrapiejskaha centralnaha banka pa pradastaŭleńni likvidnaści hreckamu finansavamu siektaru, zakryćcia hrečaskich bankaŭ i paharšeńnia ekanamičnaj niestabilnaści.

Levaradykalnaj partyja SIRIZA padčas pośpiechovaj pieradvybarnaj kampanii abiacała damovicca z kredytorami ab śpisańni častki abaviazkaŭ. Adnak paśla prychodu da ŭłady novy ŭrad vykazaŭ hatoŭnaść pryniać miery dla vykanańnia ŭsich abaviazacielstvaŭ pierad MVF.

Mižnarodnyja kredytory patrabujuć ad Hrecyi žorstkaj aptymizacyi vydatkaŭ i niepapularnych ekanamičnych reformaŭ, u pryvatnaści, skaračeńnia piensij i spraščeńnia pracedury zvalnieńnia rabotnikaŭ pracadaŭcami ŭ pryvatnym siektary.

Tym nie mienš, ministr finansaŭ Janis Varufakis daŭ zrazumieć na minułym tydni, što dla ŭrada hałoŭnym pryjarytetam pavinna zastavacca vykanańnie ŭnutranych abaviazacielstvaŭ, uklučajučy abaviazacielstva praciahvać vypłačvać piensii hramadzianam.

Hrecyja apynułasia ŭ składanaj finansavaj situacyi z-za zatrymki refinansavańnia z boku Jeŭrasajuza i JECB. Baki tak i nie mohuć kančatkova ŭrehulavać pytańnie ab prahramie dapamohi krainie — Afiny nie hatovyja ŭvodzić usie patrabavanyja Brusielem miery. Ahulnaja suma zapazyčanaści Hrecyi pierad kredytorami składaje 320 miljardaŭ jeŭra.

• 0
• 0
• 0
• 0
• 0
• 0
• 0
• 0