Amierykanskija vajenna-marskija siły — samyja mocnyja ŭ śviecie, i mienavita jany zabiaśpiečvajuć mahčymaści ZŠA pa viadzieńni bajavych dziejańniaŭ u lubym kutku śvietu. Ciapier u składzie VMS ZŠA 5 fłatoŭ, jakija kantralujuć akijany płaniety, i na čale adnaho ź ich moža ŭpieršyniu ŭ historyi stać žančyna.
Nora Tajsan na bartu avijanosca «Džordž Buš»
Prezident ZŠA Barak Abama prapanavaŭ vice-admirała Noru Tajsan na pasadu kamandujučaha 3-m fłotam ZŠA, jaki zabiaśpiečvaje abaronu dziaržavy jak u Cichim, hetak i ŭ Atłantyčnym akijanie.
Ciapier kandydaturu musić zaćvierdzić Sienat ZŠA.
Tajsan pajšła na fłot paśla vučoby ŭ universitecie ŭ 1983 hodzie. Słužyła ŭ marskoj avijacyi, potym kamandvała ŭniversalnym desantnym karablem «Bataan». U 2007 hodzie stała kamandujučym tyłu 7 apieratyŭnaha fłotu ZŠA, u 2010-m uznačaliła 2-ju avijanosnuju ŭdarnuju hrupu. Zaraz jana źjaŭlajecca namieśnikam načalnika Kamandvańnia sił fłotu ZŠA.
Tajsan, jakoj zaraz kala 57 hod, udzielničała ŭ apieracyjach u Iraku i Afhanistanie, kudy samaloty marskoj avijacyi pad jaje kamandvańniem zrabili tysiačy bajavych vyletaŭ.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY16
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary