U Breście naładzili vypusk škarpetak ź biełaruskim arnamientam
Na Bresckim pančošnym kambinacie pačali vypuskać žanočyja škarpetki ź biełaruskim arnamientam.
Na pradpryjemstvie kažuć, što, kali budzie popyt, naładziać vypusk i mužčynskich.
Ideja ŭźnikła vypadkova, raspavioŭ dyrektar Bresckaha pančošnaha kambinata Siarhiej Žaŭniarovič.
Kiraŭnik ubačyŭ načalnika adździeła IT u vyšyvancy i padumaŭ, a čamu b nie pieraniać papularny siońnia nacyjanalny trend.
Śpiecyjalisty pradpryjemstva padabrali arnamienty z ulikam ich značeńnia, a potym stvaryli dyzajn budučych etnaškarpetak.
TUT.BY naviedaŭ cechi Bresckaha pančošnaha kambinata akurat tady, kali zaviaršaŭsia praces vytvorčaści partyi etnaškarpetak
Jak patłumačyŭ namieśnik dyrektara Uładzimir Kananiuk, praces vytvorčaści škarpetak pačynajecca z dyzajniera, jaki rychtuje makiet budučaha vyrabu. Kali virtualnyja lakały hatovyja, jany pieranosiacca na sučasnyja viazalnyja mašyny.
«Padajecca nitka, i ihołki pačynajuć viazać škarpetku. Pryncyp pracy prykładna taki ž, jak u našych babul, tolki našmat chutčejšy. Babula dvuma prutkami viaža, a tut ich 150», — patłumačyli supracoŭniki pradpryjemstva.
Čas viazańnia adnoj škarpetki zaležyć ad madeli. Na «etnaškarpetku» patrabujecca 150 siekund, paśla čaho pradukcyja prachodziać praz dalejšyja stadyi technałahičnaha pracesu.
Ciapier čytajuć
Siarhiej Cichanoŭski pierabraŭsia žyć u Łos-Andželes76
Kamientary