U kijeŭskim vajennym špitali, dzie lečacca zatrymanyja rasijanie Alaksandr Alaksandraŭ i Jaŭhien Jerafiejeŭ, ustanoŭlenyja sistemy radyjacyjnaj abarony.
Takija miery zaściarohi raspačała Słužba biaśpieki Ukrainy, piša «Novaja hazieta».
Pa słovach pradstaŭnikoŭ SBU, jakaja zabiaśpiečvaje achovu zatrymanych rasiejcaŭ, dadzienaja miera pryniata «ŭ suviazi z pahrozaj zamachu na žyćci kapitana Jerafiejeva i siaržanta Alaksandrava z boku rasiejskich śpiecsłužbaŭ».
«Jašče adzin incydent, nakštałt likvidacyi Litvinienki, nam nie patrebny», — prakamientavali ŭ ofisie daradcy kiraŭnika SBU Markijan Łubkiŭskaha.
Były supracoŭnik FSB Alaksandr Litvinienka ŭ 1998 hodzie śćviardžaŭ, što rasijskija śpiecsłužby zahadali jamu likvidavać aliharcha Barysa Bierazoŭskaha, jaki žyvie ŭ Vialikabrytanii.
U 2000 hodzie źbieh z Rasii, atrymaŭšy palityčny prytułak u Vialikabrytanii. Aŭtar knihi «FSB uzryvaje Rasiju».
U 2006 hodzie Alaksandr Litvinienka raptoŭna pamior ad atručvańnia radyjoaktyŭnym pałonijem. Rasśledavańnie hibieli eks-supracoŭnika śpiecsłužbaŭ u Vialikabrytanii idzie pa siońniašni dzień.
Brytanskija śledčyja ličać hałoŭnymi padazravanymi Andreja Łuhavoha, byłoha supracoŭnika śpiecsłužbaŭ, ciapier — deputata Dziarždumy, i biznesmiena Dźmitryja Koŭtuna.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?78
Kamientary