Ale jana zdolnaja pabłytać karty Rasiei ŭ spravie pabudovy novaha hazapravodu praz Čornaje mora ŭ Aŭstryju dy Italiju.
Padrychtoŭčy etap prajektu hazapravoda South Stream («Paŭdniovaja płyń») z Rasiei ŭ Eŭropu praz Čornaje mora, u abychod Ukrainy zavieršany. Ale jaho mohuć napatkać novyja prablemy, paviedamlaje ŭkrainski vypusk «Kommiersanta». Sprava ŭ tym, što marski ŭčastak hazapravodu projdzie praz ekanamičnuju zonu Ŭkrainy, što moža być vykarystana ŭkrainskim dziela cisku na Rasieju ŭ śviatle novaha enerhietyčnaha skandału. Jak viadoma, 26 lutaha aficyjny pradstaŭnik «Hazpromu» Siarhiej Kupryjanaŭ paviedamiŭ, što ŭ suviazi ź niepłaciažami 3 sakavika z 10:00 dla spažyŭcoŭ Ukrainy buduć skaročanyja na čverć pastaŭki hazu.
«Zabaranić pabudovu hazapravodu Ŭkraina nia moža, ale jana pavinna ŭzhadnić maršrut trubapravoda i jaho ekalahičnuju ekspertyzu» — paviedamiŭ namieśnik kiraŭnika Minpramenerha Rasiei Anatol Janoŭski. Pavodle zakanadaŭstva Ŭkrainy na ekspertyzu i ŭzhadnieńnie advodzicca adzin hod.
Ukraina maje alternatyŭny varyjant pastavak hazu ŭ Eŭropu, jaki, na dumku kiraŭnicy ŭkrainskaha ŭradu Julii Cimašenka, moža paspryjać dyversyfikacyi pastavak hazu ŭ krainy ES. Naprykancy studzienia ŭ časie vizytu ŭ Brusel kiraŭnica ŭradu Ŭkrainy Julija Cimašenka prapanavała Eŭrasajuzu partnerstva ŭ realizacyi prajekta «Biełaja płyń» («White Stream») pa pastaŭkach hazu ŭ Eŭropu praz terytoryju Ŭkrainy. Ideja stvareńnia «White Stream» źjaviłasia ŭ 2005 h. i zaklučajecca ŭ pabudovie hazapravodu z Turkmenistanu praz Azerbajdžan u hruzinski port Supsa, i zatym pa dnie Čornaha mora praz Krym u nakirunku Eŭrasajuzu.
South Stream projdzie z Rasiei ŭ Baŭharyju pa dnie Čornaha mora, dzie raździelicca na dźvie haliny — praz Serbiju i Vuhorščynu ŭ Aŭstryju i praz Hrecyju na poŭdzień Italii. Mahutnaść hazapravoda — 30 młrd kub. m hazu z hod. Zhodna planaŭ jon budzie pabudavany ŭ 2012 hodzn. Partneram rasiejskaha «Hazpromu» źjaŭlajecca italjanskaja kampanija «Eni».
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik44
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary