«Turksieł» nabudzie «BiełSieł» ?

Prapanovy tureckich investaraŭ, u tym liku telekamunikacyjnaj kampanii «Turksieł», majuć dla Biełarusi vyklučny intares, zajaviŭ Alaksandr Łukašenka 4 sakavika na sustrečy z kiraŭnictvam hetaj kampanii.

«Vy dla nas vyklučna cikavyja, tamu što źjaŭlajeciesia adnoj z samych bujnych suśvietnych kampanij u siektary telekamunikacyj. U nas z Turcyjaj nikoli nie było nijakich prablem ni ŭ ekanomicy, ni ŭ palitycy. Tamu my zacikaŭleny ŭ pryciahnieńni na biełaruski rynak tureckaha biźniesu ŭ roznyja siektary, u tym liku budaŭničy», — adznačyŭ A. Łukašenka.

Pry hetym jon dadaŭ, što kiraŭnictva Biełarusi vielmi akuratna stavicca da vybaru inviestaraŭ. «Vy razumiejecie, što inviestar inviestaru nie roŭny. Byvajuć takija, ad jakich treba trymacca dalej, — zaŭvažyŭ prezident. — Siońnia ŭ nas dastatkova inviestaraŭ. Kraina pavinna pryciahvać stolki inviestycyj, kolki moža pieravaryć jaje ekanomika».

Jak adznačyŭ A. Łukašenka, usie bujnyja inviestycyjnyja prajekty ŭ Biełarusi, asabliva kali jany źviazany z akcyjaniravańniem pradpryjemstvaŭ, majuć patrebu ŭ adabreńni kiraŭnika dziaržavy.

«Kali kampanija dla nas cikavaja, to prapracoŭvajem usie varyjanty supracoŭnictva ź joj», ‑‑ rastłumačyŭ Łukašenka. «I hałoŭnaje, luby inviestar pavinien razumieć, što my zacikaŭleny ŭ inviestycyjach u toj siektar, jaki ličym patrebnym», ‑‑ padkreśliŭ jon.

Łukašenka akcentavaŭ uvahu tureckich partnioraŭ na tym, što luby inviestar, jaki prychodzić na biełaruski rynak, pavinien być sacyjalna adkazny.

«Chaciełasia b, kab na rynak Biełarusi išli nie tolki zarabić, ale i dapamahčy ludziam u sacyjalnaj śfiery, ‑‑ padkreśliŭ kiraŭnik dziaržavy. ‑‑ Bo zarablać buduć dapamahać biełarusy, i, zrazumieła, dla ich treba što‑niebudź pakinuć».

Kiraŭniki «Turksieła» u svaju čarhu padkreślili, što vielmi zacikaŭleny ŭ invieściravańni ŭ siektar telekamunikacyj i inšyja haliny ekanomiki krainy. Pry vybary prajektaŭ jany majuć namier uličvać rekamiendacyi kiraŭnictva Biełarusi. Tureckija partniory adznačyli, što ich kampanija zarekamiendavała siabie jak adkaznaja ŭ sacyjalnym płanie: va ŭsich krainach, dzie jana pracavała, udzialałasia vialikaja ŭvaha sacyjalna‑humanitarnamu siektaru. «Turksieł» stvaraŭ prajekty pa navučańniu, strachavańniu, a taksama pa budaŭnictvu sacyjalnych abjektaŭ.

Tureckaja kampanija maje namier zasvoić biełaruski rynak mabilnaj suviazi. Pry hetym nie vyklučajucca roznyja prajekty: ad stvareńnia kampanijaj novaha aperatara sotavaj suviazi ŭ Biełarusi da nabyćcia doli dziejučych na biełaruskim rynku telekamunikacyjnych aperataraŭ.

BIEŁTA

• 0
• 0
• 0
• 0
• 0
• 0
• 0
• 0