U suviazi ź incydentam pradstaŭnik kampanii «Prava vybaru-2015» nakiravaŭ dakładnuju zapisku na imia staršyni haradskoj vybarčaj kamisii.
Siabra Minskaj haradskoj vybarčaj kamisii ad Partyi BNF Źmicier Kaśpiarovič vykryŭ manipulacyi ź biuleteniami vybarščykaŭ. Jon vyrašyŭ abyści ŭčastkovyja kamisii i źvieryć kolkaść vydadzienych biuleteniaŭ vybarcam i realnuju kolkaść podpisaŭ vybarcaŭ, jakija atrymali biuleteni i ŭłasnaručna raśpisalisia za ich u žurnale.
Pa stanie na ranicu 8 kastryčnika na vybarčym učastku №25 Savieckaha rajona Minska było vydadziena 146 biuleteniaŭ, adnak raśpisałasia za biuleteni ŭsiaho 109 čałaviek.
Na vybarčym učastku №26 hetaha ž rajona Minska byŭ vydadzieny 351 biuleteń, adnak raśpisałasia za ich — 162 vybarščyki.
Ranicaj 9 kastryčnika na vybarčym učastku №49 Savieckaha rajona Minska, za try dni daterminovaha hałasavańnia było vydadziena 308 biuleteniaŭ, adnak na ranicu ŭ žurnale vydačy biuleteniaŭ było ŭsiaho 170 podpisaŭ vybarščykaŭ.
Adzin z kaardynataraŭ kampanii «Prava vybaru-2015» Dzianis Sadoŭski ličyć, što tamu ŭłada i nie ŭklučaje ŭ skład kamisij roznaha ŭzroŭniu pradstaŭnikoŭ demakratyčnych partyj i arhanizacyj, kab było ciažej uskryć padobnyja fakty manipulacyi ź biuleteniami dla hałasavańnia.
— Vyjaŭlenyja parušeńni śviedčać pra toje, što členami ŭčastkovych vybarčych kamisij štučna zavyšajecca jaŭka vybarščykaŭ i adbyvajecca ŭkid biuleteniaŭ, — havoryć Dzianis Sadoŭski.
U kampaniju pa nazirańni za vybarami «Prava vybaru-2015» uvachodziać vosiem arhanizacyj: Biełaruskaja sacyjał-demakratyčnaja partyja (Hramada), Biełaruskaja Chryścijanskaja Demakratyja, «Havary praŭdu!», «Ruch «Za Svabodu!», Partyja BNF, Biełaruskaja partyja «Zialonyja», niezaležny prafsajuz Radyjoelektronnaj pramysłovaści, arhkamitet Partyi Svabody i prahresa.
Hałoŭnaj metaj kampanii źjaŭlajecca abarona sapraŭdnaha volevyjaŭleńnia hramadzianaŭ praz praduchileńnie parušeńniaŭ zakanadaŭstva na ŭsich stadyjach vybarčaj kampanii, fiksacyju parušeńniaŭ i apieratyŭnaje reahavańnie na ich.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary