U Vialikabrytanii sud pryhavaryŭ 34-hadovaha chakiera, jaki sačyŭ za ludźmi praz vebkamiery na ich kampjutarach, da ŭmoŭnaha turemnaha terminu i hramadska-karysnych prac.
Jak raspaviali ŭ palicyi, žychar hrafstva Lids Stefan Ryha vykarystaŭ dla sačeńnia prahramu-trajan pad nazvaj BlackShades. Virus, jaki dazvalaje atrymać dystancyjny dostup da luboha zaražanaha kampjutara, lohka nabyć na čornym rynku, jaho košt składaje kala 40 dalaraŭ.
Pry pieratrusie ŭ domie Ryha palicyja vyjaviła ŭ jaho na kamputary zdymki z čužych vebkamier. Na mnohich ź ich achviary Ryha sfatahrafavanyja padčas zaniatkaŭ seksam. Jak vyśvietliłasia, z 14 achviar chakiera prykładna pałova byli jaho znajomymi.
U vyniku Ryha byŭ asudžany na 20 tydniaŭ źniavoleńnia ŭmoŭna. Na praciahu nastupnaha hoda jamu taksama pryjdziecca adpracavać 200 hadzin na kamunalnych pracach. Akramia taho, jaho imia na 7 hadoŭ budzie ŭniesiena ŭ śpis seksualnych złačyncaŭ.
Prahrama BlackShades — heta virus-trajan, jaki zaražaje kampjutary karystalnikaŭ, jakija zachodziać na peŭnyja staronki. Aproč inšaha, virus raspaŭsiudžvajecca praz sacsietki, stvarajučy ad imia zaražanych karystalnikaŭ pasty sa spasyłkami na vonkava biaskryŭdnyja sajty. Virus niebiaśpiečny tolki dla kampjutaraŭ z apieracyjnaj sistemaj Windows.
U 2014 hodzie fiederalnym biuro rasśledavańniaŭ ZŠA byli aryštavanyja kala 100 čałaviek, jakija metanakiravana zaražali kampjutary virusam Blackshades.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3737
Kamientary