Kampanija «Biełarusnafta» ŭ 2016 hodzie płanuje zdabyć na radoviščach ŭnutry krainy i za miažoj kala 3 młn t nafty. Pra heta paviedamiŭ namieśnik hienieralnaha dyrektara pradpryjemstva pa hieałohii Andrej Kozyr, jaki braŭ udzieł u mierapryjemstvach, pryśviečanych zdabyčy 130-miljonnaj tony nafty ŭ Biełarusi.
Prykładna 60% płanavanaj zdabyčy vuhlevadarodaŭ budzie prychodzicca na Biełaruś.
U apošnija try hady štohadovy abjom zdabyčy nafty ŭnutry krainy składaje 1młn 645 tys. ton. «Prykładna taki ž abjom majem namier atrymać u naleta. Heta realna, bo na siońnia na ŭžo raźviedanych radoviščach naličvajecca amal 50 młn ton vymajemaj nafty», — adznačyŭ Andrej Kozyr.
Dziejnaść abjadnańnia za miažoj budzie skancentravanaja na radoviščach Rasii, Vieniesueły i Ekvadora.
U pryvatnaści, z 2013 hoda «Biełarusnafta» pradstaŭlenaja ŭ Rasii ŭ halinie zdabyčy nafty i hazu AAT «Naftavaja kampanija «Janhpur», jakaja viadzie zdabyču na 4 radoviščach u Jamała-Nienieckaj aŭtanomnaj akruzie.
Sumiesnaje biełaruska-vieniesuelskaje pradpryjemstva pa zdabyčy nafty «Pietralera BiełaVieniesałana» viadzie raspracoŭku 7 naftavych i 6 hazavych radoviščaŭ.
U sakaviku 2015 hoda byŭ zaklučany kantrakt z kampanijaj Petroamazonas (Ekvador) na akazańnie kompleksnych śpiecyjalizavanych pasłuh pa aptymizacyi zdabyčy i hieołaharaźviedcy.
Aficyjnaj dataj adkryćcia zapasaŭ «čornaha zołata» ŭ Biełarusi ličycca 1964 hod, kali spačatku ŭ žniŭni, a potym u kastryčniku byli atrymanyja pieršyja pramysłovyja prytoki nafty. Adkrytaje radovišča atrymała nazvu Rečyckaje.
Da pačatku biahučaha hoda ŭ Biełarusi było adkryta 81 radovišča nafty i hazakandensatu. Ciapier «Biełarusnafta» viadzie zdabyču nafty i hazu na 61 radoviščy. Ahulny fond śvidravin składaje amal tysiaču adzinak, u ich liku na 801 idzie zdabyča.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary