Jašče 150 hadoŭ tamu ŭ Smurhoniach isnavała zasnavanaja Radziviłami «Akademija», u jakoj dresiravali miadźviedziaŭ. A siońnia dresirujuć u Smarhoni sabak dla achovy miažy. Fotarepartaž Andreja Lankieviča, padrychtavany ŭžo Redakcyjaj paśla zatrymańnia fotakarespandenta 25 Sakavika padčas vykanańnia jahonych prafesijnych abaviazkaŭ.
Jašče 150 hadoŭ tamu ŭ Smurhoniach isnavała zasnavanaja Radziviłami «Akademija», u jakoj dresiravali miadźviedziaŭ. A siońnia dresirujuć u Smarhoni sabak dla achovy miažy.
Jašče 150 hadoŭ tamu ŭ Smarhoni isnavała zasnavanaja Radziviłami «Akademija», u jakoj dresiravali miadźviedziaŭ. Źviary ciešyli šlachtu na zabaŭlalnych mierapryjemstvach taho času, pałochali zamiežnych haściej, a Panie Kachanku, kali vieryć lehiendzie, na ich navat kataŭsia. Tolki dla achovy miežaŭ ich nie ŭžyvali. Choć siońnia na emblemie Smarhonskaha pamiežnaha atradu ‑‑ miadźviedź. I dresirujuć u Smarhoni siońnia sabak dla achovy miažy.
Štohod u pitomniku kinalahičnaha centru Smarhonskaha pamiežnaha atradu Dziaržkamitetu pamiežnych vojskaŭ rychtujuć ad 80 da 100 sabak. Aproč «tradycyjnaj» niamieckaj aŭčarki tut hadujuć łabradoraŭ i belhijskich aŭčarak. Praces padrychtoŭki słužbovych sabak składajecca z troch etapaŭ: padrychtoŭčaha, asnoŭnaha (kursu słužbovaj dresiroŭki pa vidu słužby) i treniroŭki sabak niepasredna ŭ padraździaleńni.
Tamu, chto atrymaŭ «niezdavalniajuča» na ispycie, dajecca šaniec praciahnuć navučańnie, pa skančeńni jakoha vynosicca verdykt — ci hodny dla słužby ci nie. Vyznačajecca pryčyna: kiepski zrok albo niuch, bojaź stralaniny. Vybrakavanych žyvioł z radaściu kuplajuć — jany, naprykład, źjaŭlajucca dobrymi vartaŭnikami.
Abviarhajučy stereatypnuju dumku, što słužbovych sabakaŭ vychoŭvajuć złosnymi i narkamanami, kinolahi raspaviali, što hałoŭnaje ŭ navučańni — hulniavy momant, raźvićcio refleksu. Naprykład, kali sabaka znachodzić narkotyk, to atrymlivaje na niekalki chvilinaŭ cacku. Kab umovy navučańnia byli nabližanymi da realnych, u Centry pabudavanyja zala prylotu pasažyraŭ i čyhunačny vakzał. U siarednim čatyrochłapyja pamiežniki słužać vosiem hadoŭ.
Na 3600‑kilametrovaj biełaruskaj miažy ŭ 2005 hodzie zatrymali 66 kh narkatyčnych i psychatropnych rečyvaŭ i 5,5 litry ekstrakcyjnaha opiju. U 2006 — bolš za 30 kh. Ale dla acenki efektyŭnaści raboty sabak važna, kolki było vypadkaŭ vyjaŭleńnia. Kali ŭ 2005 hodzie sabačy nos «pakazvaŭ na narkakantrabandu 4 razy, to ŭ 2006 hodzie — 12 razoŭ. Mahčyma, z časam biełaruskija sabaki navučacca, jak ich «kalehi» z Aŭstryi, dzie kinalahičnaja słužba najbolš raźvitaja, vyznačać pryčynu pažaru — naturalnaje było zapalvańnie albo naŭmysny padpał. Taksama aŭstryjcy pracujuć nad tym, kab navučyć sabak vyznačać falšyvyja hrošy.
Pavodle słovaŭ kiraŭnika Centru pałkoŭnika pamiežnych vojskaŭ Uładzimiera Žałdybina, umovy ŭtrymańnia sabak praktyčna na ŭzroŭni suśvietnych standartaŭ. Naprykład, dla analizu kryvi nabyta unikalnaja labaratoryja, što redka možna znajści ŭ «čałaviečych» balnicach. U Centry jość radzilnaje adździaleńnie, dzie da peŭnaha momantu znachodziacca suki sa ščaniukami, u valjerach niepadaloku svavolać ščaniuki krychu stalejšyja. Chvoryja sabaki nakiroŭvajucca ŭ veterynarny punkt, dzie im mohuć pastavić kropielnicu albo ŭ kabinecie fizijaterapii pravieści nieabchodnyja pracedury.
-
Jak uładkavany kłubničny biznes, chto najbolš na jahadach zarablaje i čamu ich časam vykidajuć
-
Žychara Lozna pazbavili prava kiravańnia matacykłam za ekstremalnyja chutkaści i jazdu na zadnim kole
-
Niečakany bienieficyjar represij i masavaj emihracyi biełarusaŭ — vyručka hetaha rasijskaha biznesu ŭ Minsku vyrasła na 4000%
Ciapier čytajuć
Siarhiej Cichanoŭski pierabraŭsia žyć u Łos-Andželes42
Kamientary