Šmat chto ź mienskich uładalnikaŭ spadarožnikavych anten dniami atrymaŭ pa pošcie «pradpisańni» ad žyllova‑kamunalnych słužbaŭ — «u terminovym paradku» da 7 krasavika padać dakumenty, što dazvalajuć ustalavańnie «talerak» i kandycyjaneraŭ.
Šmat chto ź mienskich uładalnikaŭ spadarožnikavych anten dniami atrymaŭ pa pošcie «pradpisańni» ad žyllova‑kamunalnych słužbaŭ — «u terminovym paradku» da 7 krasavika padać dakumenty, što dazvalajuć ustalavańnie «talerak» i kandycyjaneraŭ.
U pryvatnaści, takija papiery pryjšli žycharam Savieckaha i Pieršamajskaha rajonaŭ ad kiraŭnictva ich «žyllova‑ekspluatacyjnych učastkaŭ».
U vypadku nievykanańnia pradpisańnia ŭ naležny termin žyllovyja słužby pahražajuć pryciahnieńniem hramadzian da administracyjnaj adkaznaści. Havorka idzie pra art. 21.13 KaAP — «Parušeńnie architekturnaha rašeńnia fasadu budynka albo pabudovy».
Jurysty BAŽ nia raz padkreślivali, što normy novaha Administracyjnaha kodeksu mohuć raspaŭsiudžvacca tolki na padziei, jakija adbylisia paśla ŭstupleńnia kodeksu ŭ siłu — h.zn. 1 sakavika 2007 hodu. Takim čynam, kali ŭ artykule 21.13 KaAP razmova idzie pra adkaznaść za parušeńnie architekturnaha rašeńnia fasadaŭ budynkaŭ — u tym liku za ŭstalavańnie spadarožnikavych anten — to normy zakanadaŭstva mohuć raspaŭsiudžvacca tolki na tych, chto źbirajecca ich ustalavać, a nie na tych, chto paśpieŭ zrabić heta raniej.
«Zakon nia maje advarotnaj siły, kali paharšaje pravavy stan subjektaŭ. U dadzienym vypadku ŭltymatyŭnaje patrabavańnie ŭładaŭ źniać anteny vidavočna parušaje intaresy hramadzian i dziejničaje nasupierak ich intaresam. Tamu z punktu hledžańnia zakanadaŭstva možna śćviardžać, što patrabavańnie da hramadzian źniać užo ŭstalavanyja anteny niepravamocnaje», — adznačaje kiraŭnik Centru pravavoj dapamohi ŚMI pry BAŽ Michaił Pastuchoŭ.
Kamientary