Minenierha RF płanuje pryniać miery ŭ adkaz na spynieńnie Biełaruśsiu pastavak bienzinu ŭ Rasiju

Minenierha RF nie zadavolena tym, jak Biełaruś vykonvaje svaje abaviazacielstvy pa pastaŭkach bienzinu ŭ Rasiju i prapanavała ŭradu pryniać miery ŭ adkaz. Pra heta zajaviŭ 29 studzienia žurnalistam namieśnik ministra enierhietyki Anatol Janoŭski.

Jak paviedamlałasia raniej, Biełaruś spyniła pastaŭki bienzinu na rasijski rynak z-za zanadta nizkaha jaho koštu.

Apošnija pastaŭki rasijskim trejdaram byli ažyćcioŭleny ŭ pačatku studzienia. Ich abjom skłaŭ 239 ton, heta ŭsiaho 0,2% ad pastavak u studzieni 2015 hoda (101,6 tys. ton). Zvyčajna dola biełaruskaha bienzinu na rasijskim rynku składaje 3—5%.

«My, viadoma, nie zadavolenyja, što jany nie vykonvajuć svaje abaviazacielstvy. Naturalna, my dakładvajem va ŭrad ab hetaj situacyi, u tym liku i ab mahčymych zachadach, jakija my možam zrabić sa svajho boku, jakija b zaachvocili našych partnioraŭ vykonvać uziatyja na siabie abaviazacielstvy», — cytuje rasijskaha čynoŭnika TASS.

Tak Janoŭski adreahavaŭ na zajavu vice-premjera Biełarusi Uładzimira Siamaški pra toje, što pa damovie, padpisanaj 29 maja 2014 hoda, pastaŭki naftapraduktaŭ u Rasiju ažyćciaŭlajucca da taho času, pakul cana ich realizacyi, zychodziačy z pryncypu zvarotnaha adliku, budzie nie nižejšaj za jeŭrapiejskuju. «Heta značyć, my majem prava nie pastaŭlać tavar na rasijskija biržy, kali dla našych zavodaŭ hetyja pastaŭki buduć stratnymi», — zajaviŭ Siamaška ŭ intervju dziaržaŭnamu ahienctvu BiełTA 28 studzienia ŭ Homieli, dzie jon udzielničaŭ u pasiadžeńni Homielskaha abłvykankama.

Pavodle słoŭ vice-premjera, košt nafty, jakaja pastaŭlajecca na biełaruskija zavody, adroźnivajecca ad ŭnutryrasijskaha, u jakim užo zakładzieny peŭny prybytak dla pastaŭščykoŭ. Kali, naprykład, u Rasii viertykalna intehravanyja naftavyja kampanii majuć ułasnyja naftapierapracoŭčyja zavody, to na hetyja zavody nafta idzie pa bolš nizkaj canie, paviedamiŭ vice-premjer. «Dla nas ža formuła cenaŭtvareńnia zusim inšaja. Tamu ŭ kančatkovym vyniku ŭ nas sabiekošt atrymlivajecca našmat vyšejšy. Naprykład, AAT «Naftan» u 2015 hodzie atrymała prybytak na tonie pierapracavanaj nafty ŭ pamiery ŭsiaho tolki 0,6 dołara», — patłumačyŭ Siamaška.

Pavodle jaho słoŭ, ciapier roźnica ŭ košcie bienzinu, jaki pastaŭlajecca ŭ Rasiju i ES, składaje ad 80 da 100 dołaraŭ.

«My nie možam pastaŭlać bienzin sa stratami. Heta budzie złačynstva, kali my prymusim našy naftapierapracoŭčyja zavody addavać svaju pradukcyju pa canie nižejšaj za sabiekošt», — padkreśliŭ vice-premjer.

Pry hetym Siamaška adznačyŭ, što RF dakładna vykonvaje ŭsie abaviazacielstvy pa pastaŭkach nafty. «My ŭdziačnyja taksama za toje, što hetyja abjomy, zhodna z bałansam nafty i naftapraduktaŭ, u 2016 hodzie pavialičany na 1 młn. ton. U adpaviednaści z bałansam my sa svajho boku abaviazalisia pastavić u Rasiju 1 młn. ton aŭtamabilnaha paliva. Ad hetaha abaviazacielstva nie admaŭlajemsia, adnak, jašče raz paŭtarusia, naftapradukty buduć pastaŭlać pa toj canie, jakaja, pry ŭmovie zachavańnia pryncypu zvarotnaha padliku, budzie supastaŭnaja z koštami i na inšych rynkach», — kanstatavaŭ jon.

• 0
• 0
• 0
• 0
• 0
• 0
• 0
• 0