DAI Minska budzie bolš žorstka kantralavać piešachodnyja pierachody z 8 lutaha
Pra heta paviedamiŭ staršy inśpiektar pa ahitacyi i prapahandzie ADAI Maskoŭskaha RUUS stalicy Luboŭ Trapaška. «Prafiłaktyčnyja mierapryjemstvy pačnucca z paniadziełka i praciahnucca da 17 lutaha. Pierš za ŭsio, inśpiektary buduć sačyć za vykanańniem kiroŭcami praviłaŭ prajezdu piešachodnych pierachodaŭ. Akramia taho, u hety pieryjad ŭvieś asabisty skład darožnaj milicyi budzie patrulavać napružanyja ŭčastki daroh», - skazała Luboŭ Trapaška.
Narady DPS buduć nabližanyja da avaryjna-niebiaśpiečnych piešachodnych pierachodaŭ, prypynkaŭ hramadskaha transpartu i navučalnych ustanovaŭ.
Parušeńni praviłaŭ prajezdu piešachodnych pierachodaŭ supracoŭniki DAI buduć fiksavać z dapamohaj sučasnych techničnych srodkaŭ. Akramia taho, inśpiektary praviaduć tłumačalnyja hutarki na pradpryjemstvach i ŭ navučalnych ustanovach pa vykanańni PDR usimi ŭdzielnikami darožnaha ruchu.
Pry padjeździe da piešachodnaha pierachodu kiroŭca pavinien ruchacca z chutkaściu, jakaja dazvolić jamu pry nieabchodnaści sastupić darohu piešachodam. Kali pierad piešachodnym pierachodam spyniŭsia abo zamarudziŭ ruch transpartny srodak, to vadzicieli inšych mašyn, jakija ruchajucca pa susiednich pałosach ruchu u spadarožnym napramku, pavinny źnizić chutkaść i pry najaŭnaści piešachodaŭ sastupić im darohu.
Za parušeńni praviłaŭ prajezdu piešachodnych pierachodaŭ KaAP Biełarusi praduhledžvaje adkaznaść u vyhladzie štrafu da 5 bazavych vieličyń (ciapier adna BV roŭnaja Br210 tys.). Pry paŭtornym padobnym parušeńni na praciahu hoda štraf pavialičycca da 8 BV. Kali kiroŭca nie prapuskaje piešachoda na pierachodzie, jon moža atrymać štraf u pamiery ad 1 da 5 BV. Kali ž vadziciel nie prapuściŭ piešachoda i tym samym stvaryŭ avaryjnuju situacyju, to suma štrafu moža skłaści ad 5 da 25 BV z pazbaŭleńniem pravoŭ na termin da dvuch hadoŭ. U 2015 hodzie z pryčyny parušeńnia kiroŭcami praviłaŭ prajezdu piešachodnych pierachodaŭ u Minsku adbyłosia 141 DTZ, u jakich zahinuli 4 čałavieki i 147 atrymali traŭmy.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary