21 lutaha prezident Siryi Bašar Asad pryniaŭ u Damasku aficyjnuju delehacyju ź Minska na čale ź pieršym sakratarom kampartyi Biełarusi i namieśnikam staršyni Minharvykankama Iharam Karpienkam, pieradaje ahienctva SANA. Paviedamlajecca, što biełaruskaja delehacyja pieradała kiraŭniku Siryi karcinu z nazvaj «Dzień Pieramohi», a taksama aficyjnaje pasłańnie ad prezidenta Biełarusi Alaksandra Łukašenki sa słovami padtrymki ŭ adras kiraŭnictva krainy i naroda Siryi ŭ baraćbie z teraryzmam.
«U pasłańni byli słovy padtrymki siryjskaha naroda i prezidentu, u pryvatnaści. Vykazana pažadańnie ŭ dalejšym raźvivać siabroŭskija adnosiny pamiž Respublikaj Biełaruś i Siryjaj pa ŭsich kirunkach supracoŭnictva», — skazaŭ ria.ru Karpienka.
Baki abmierkavali vajenna-palityčnuju situacyju, pierśpiektyvy ŭrehulavańnia kanfliktu ŭ hetaj krainie. Zakranuli pytańni palityčnaha dyjałohu i handlova-ekanamičnaha supracoŭnictva pamiž dźviuma dziaržavami.
Jak paviedamlaje pres-słužba Kamunistyčnaj partyi Biełarusi, delehacyja na čale z Karpienkam znachodzicca ŭ Damasku ź vizitam z 16 lutaha pa zaprašeńni kirujučaj partyi Baas.
Delehacyja sustrełasia sa śpikieram Narodnaha schodu M.D.al-Łachamam, rehijanalnym sakratarom Baas Ch. al-Chilalem. U sustrečy prymali ŭdzieł lidary Kamunistyčnaj partyi Siryi Amar Bakdaš i Abjadnanaj kamunistyčnaj partyi Chanin Namr.
«Baki paćvierdzili prychilnaść da pryncypaŭ mižnarodnaha prava adnosna terytaryjalnaj cełasnaści i nieŭmiašańnia va ŭnutranyja spravy suvierennych dziaržaŭ. Ihar Karpienka vykazaŭ słovy salidarnaj padtrymcy siryjskamu narodu ŭ jaho baraćbie suprać terarystaŭ i vykazaŭ nadzieju ŭ jak maha bolš chutkim ŭstalavańni śvietu ŭ rehijonie», — havorycca ŭ paviedamleńni partyi.
Delehacyju Kampartyi pryniaŭ taksama viarchoŭny muftyj doktar Achmad Badr ed-Dyn Chasun i patryjarch Antyjochii i ŭsiaho Uschodu Ihnacius Afrem II.
Padčas pajezdki delehacyja KPB u pasiołku dla ŭnutranych pierasialencaŭ Chardžyle pryniała ŭdzieł u adkryćci spartyŭnaj i dziciačaj hulniavych placovak, pabudavanych pad patranažam pasolstva Biełarusi ŭ Siryi. Taksama ŭ vajskovym špitali byli pieradadzienyja miedykamienty ŭ ramkach akcyi pa dastaŭcy humanitarnaj dapamohi ź Biełarusi.
U lutym 2015 hoda padčas vizitu kiraŭnika MZS Biełarusi Uładzimira Makieja Minsk i Damask padpisali šerah pahadnieńniaŭ pa pašyreńni dvuchbakovych adnosin.
Kamientary