Jak paviedamlaje Financial Times, u piatnicu budzie abnarodavany dakład amierykanskaha analityčnaha centra Atlantic Council, pryśviečany stanu abaranazdolnaści krain NATA ŭ Jeŭropie.
Pavodle źviestak vydańnia, šeść aŭtarytetnych vajennych ekśpiertaŭ, u tym liku były hienieralny sakratar NATA Jaap de Choop Schiefier, brytanski hienierał ser Ryčard Šyref i były ministr abarony Italii Džampaała dzi Paała, pryjšli da niesuciašalnaj vysnovy, što «NATA nie ŭ stanie abaranić uschodnija miežy ES pierad abliččam usio bolš ahresiŭna nastrojenaj Rasii».
U NATA z pačatkam vajennaha ŭvarvańnia Maskvy va Ukrainu ŭ 2013 hodzie było šmat razmoŭ ab nieabchodnaści ŭmacavańnia abaranazdolnaści aljansu, nahadvaje Financial Times.
Adnak, jak adznačajuć ekśpierty Atlantic Council, za try minułyja hady sprava praktyčna nie zrušyłasia napierad: armii klučavych jeŭrapiejskich krain-siabroŭ aljansu pa-raniejšamu adčuvajuć «chraničnaje niedafinansavańnie» i istotnyja techničnyja prablemy.
«Da prykładu, u niamieckim bundeśviery z 31 viertalotaŭ Tiger usiaho 10 prydatnyja da ekspłuatacyi. Toje ž samaje možna skazać i pra bajavyja mašyny piachoty Marder — z 406 spraŭnyja tolki 280», — infarmuje hazieta.
Nie našmat lepš, na dumku ekśpiertaŭ, iduć spravy ŭ brytanskich uzbrojenych siłach. Jak zajaviŭ hienierał Šyref, «razhortvańnie bryhady, nie kažučy ŭžo pra dyvizii, u stanie bojehatoŭnaści ŭjaŭlaje saboj składanuju zadaču».
Pa słovach hienierała, letaś NATA pravodziła vučeńni ŭ Jeŭropie, dla jakich daviałosia dastaŭlać tanki z Kanady, «pakolki situacyja z zapčastkami i absłuhoŭvańniem brytanskaj bajavoj techniki była paprostu adčajnaj».
Jak piša Financial Times, dakład Atlantic Council stanie trecim pa liku surjoznym papiaredžańniem z nahody stanu abaranazdolnaści NATA za apošni miesiac.
U kancy studzienia ekśpierty RAND Corporation, praanalizavaŭšy dziasiatki scenaryjaŭ vajennych hulniaŭ z udziełam amierykanskich aficeraŭ i hramadzianskich ekśpiertaŭ, pryjšli da vysnovy, što rasiejskija vajskovyja siły ŭ ich ciapierašnim stanie zdolnyja zachapić Talin i Ryhu mienš čym za 60 hadzin, naniosšy «katastrafičnaje paražeńnie siłam aljansu».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary