Indyja hatova inviestavać u farmaceŭtyčnuju pramysłovaść Biełarusi, paviedamiŭ žurnalistam rehijanalny dyrektar Savieta pa pašyreńni ekspartu farmpradukcyi Indyi Abaj Sincha.
«My hatovyja da inviestavańnia», — skazaŭ Abaj Sincha. Jon adznačyŭ, što ŭkaranieńnie indyjskich technałohij moža adbyvacca roznymi sposabami, naprykład, praz stvareńnie sumiesnych pradpryjemstvaŭ.
Pavodle słoŭ rehijanalnaha dyrektara, biełaruski rynak nievialiki z punktu hledžańnia kolkaści nasielnictva, ale ŭ toj ža čas vielmi cikavy dla indyjskich kampanij, pakolki maje vysoki ekspartny patencyjał. Praź Biełaruś možna pastaŭlać pradukcyju ŭ tym liku i ŭ inšyja krainy SND.
Nadzvyčajny i Paŭnamocny Pasoł Indyi ŭ Biełarusi Pankadž Saksiena padkreśliŭ, što farmhalina źjaŭlajecca važnaj śfieraj jak dla Indyi, tak i Biełarusi. «Ja miarkuju, što supracoŭnictva ŭ hetaj halinie pamiž dźviuma našymi siabroŭskimi krainami budzie vyhadnym i karysnym u tym płanie, što možna naładzić sumiesnuju vytvorčaść vysakajakasnych efiektyŭnych i niedarahich lekavych preparataŭ», — skazaŭ jon. Užo viadziecca adpaviednaja rabota.
Siońnia ŭ Minsku prachodzić prezientacyja kampanij farmaceŭtyčnaj pramysłovaści i achovy zdaroŭja Indyi i sustreča ŭ farmacie V2V. U mierapryjemstvie ŭdzielničajuć 37 farmkampanij ź Indyi, jakija pradstaŭlajuć mały i siaredni biźnies. Usie jany płanujuć vyjści na biełaruski rynak upieršyniu. Ciapier Biełaruś supracoŭničaje z 11 bujnymi indyjskimi kampanijami.
Arhanizatarami mierapryjemstva vystupajuć Saviet pa pašyreńni ekspartu farmpramysłovaści Indyi, pasolstva Indyi ŭ Biełarusi, ZAT «Technika i kamunikacyi» pry sadziejničańni Ministerstva achovy zdaroŭja Biełarusi.
Kamientary