Zdabyča nafty krainami APIEK źniziłasia ŭ lutym na 280 tys. baralaŭ u dzień, da 32,37 młn bar. u dzień. Macniej za ŭsio źnizilisia pastaŭki nafty ź Iraka, Saŭdaŭskaja Aravija zachavała zdabyču na raniejšym uzroŭni, a Iran pavialičvaje ekspart.
Zdabyča nafty ŭ krainach APIEK źniziłasia ŭ lutym ad rekordnaha ŭzroŭniu studzienia, paviedamlaje Reuters, spasyłajučysia na svaju acenku, zasnavanuju na dadzienych pastavak i infarmacyi, atrymanaj ad halinovych krynic. Źnižeńnie skłała 280 tys. bar. u dzień u paraŭnańni z papiarednim miesiacam.
Ahienctva adznačaje, što Saŭdaŭskaja Aravija praciahnuła zdabyvać naftu raniejšymi tempami, što śviedčyć pra namier karaleŭstva vykonvać pahadnieńnie ab zamarozcy nafty na studzieńskim uzroŭni, składzienaje 16 lutaha z Rasijaj, Kataram i Vieniesuełaj. Pa słovach krynic Reuters, uzrovień zdabyčy ŭ Saudaŭskaj Aravii zastaŭsia na ŭzroŭni 10,2 młn bar. u dzień.
Maksimalny spad zdabyčy pryjšoŭsia na Irak, dzie z 17 lutaha spynilisia pastaŭki pa naftapravodzie z Kurdystana mahutnaściu 600 tys. bar. u dzień. Jon, vierahodna, nie vierniecca ŭ stroj da siaredziny sakavika, piša Reuters.
***
APIEK — arhanizacyja krain — eksparcioraŭ nafty. Uvachodziać u arhanizacyju 13 krain: Ałžyr, Anhoła, AAE, Vieniesueła, Indaniezija, Iran, Irak, Katar, Kuviejt, Livija, Nihieryja, Saudaŭskaja Aravija, Ekvador. Krainy APIEK kantralujuć kala 70% suśvietnych zapasaŭ nafty. Na ich dolu prypadaje ~ 40% ad suśvietnaj zdabyčy abo pałova suśvietnaha ekspartu nafty.
Kamientary