Ministar suviazi i infarmatyzacyi Mikałaj Pancialej paviedamiŭ, što aperatar sotavaj suviazi «BieST» zdolny realizavać ułasnuju investycyjnuju prahramu samastojna, biez pryciahnieńnia tureckaj kampanii «Turkcell».
Jašče ŭ krasaviku minułaha hodu A. Łukašenka zajaviŭ pra mahčymy prodaž kampanii «BieST». Na pačatku krasavika 2008 hodu viadučy turecki aperatar mabilnaj suviazi «Turksieł» («Turkcell») aficyjna zajaviŭ pra rašeńnie pretendavać na nabyćcio biełaruskaha dziaržaŭnaha aperatara sotavaj suviazi.
Turki hatovyja byli nabyć kantrolny pakiet kampanii, ale biełaruski bok mieŭ svoj pohlad na ŭhodu — tureckaja kampanija pavinnaja kupić «BieST» całkam.
Ciapier Minsuviazi vykazaŭ novaje bačańnie raźvićcia dziaržaŭnaha aperatara suviazi. Na siońnia «BieST» vykonvaje svaju investycyjnuju prahramu i da červienia 2008 h. pavinien mieć 1.130 bazavych stancyj va ŭłasnaj sietcy. Pad dadzieny abjom starońni investar aperataru sotavaj suviazi nie patrebny, — pieradaje słovy ministra BiełaPAN.
Varta adznačyć, što raniej u presie čaściakom źjaŭlałasia infarmacyja pra drennaje finansavaje stanovišča dziaržaŭnaha aperatara.
Internet‑hazeta «Salidarnaść» nieadnojčy paviedamlała pra prablemy «BieSTa» — to pra mahčymaje adklučeńnie niekatorych stancyjaŭ kampanii za niavypłaty, to pra marudny rost abanenckaj bazy i skaračeńnie dylerskich punktaŭ prodažu i absłuhoŭvańnia abanentaŭ kampanii. Finansavy stan kampanii i nievykanańnie joj prahnoznych pakazčykaŭ stali nahodaj dla krytyki z boku namieśnicy ministra suviazi Łarysy Łabkovič sioleta ŭ lutym.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary