Haradzieniec raźmiaściŭ u internecie abjavu z prapanovaj imitacyi pachavańnia
Žychar Hrodna na adnym ź internet-forumaŭ u raździele «Pasłuhi» raźmiaściŭ niezvyčajnuju abjavu: jon prapanavaŭ ludziam «pieražyć svaju śmierć i naradzicca nanova», paviedamlaje BiełTA.
U abjavie mužčyna paviedamlaje, što hatovy pasprabavać dapamahčy «ŭsim, kamu žyćcio nie miłaje, chto šukaje vychad i nie moža znajści» z dapamohaj falsifikacyi pachavańnia, pryčym biaspłatna. Padkreślivajecca, što prapanova na dadzieny momant nosić altruistyčny charaktar.
Imitacyjaj pachavańnia jon prapanuje dapamahčy čałavieku pieraasensavać ujaŭnyja nievyrašalnymi prablemy. Inicyjatyŭny haradzieniec raspavioŭ na forumie, što raźmiaściŭ takoje paviedamleńnie paśla razmovy z žonkaj, jakaja ŭ čarhovy raz vykazała słovy pra nierazumieńnie sensu žyćcia. Taksama da dziejańnia jaho padšturchnuŭ ułasny dośvied, kali paśla chvaroby jaho staŭleńnie da prostych rečaŭ radykalna źmianiłasia.
Niezvyčajnuju «pasłuhu» mužčyna apisvaje tak: «Ja znajdu pamiaškańnie, kuplu trunu, truna budzie apuskacca ŭ ziamlu i zakopvacca na niejki čas».
Jon kaža, što čytaŭ pra takuju praktyku ŭ Sietcy: nibyta jaje vykarystoŭvali prodki na Rusi i na Uschodzie, joju karystajucca sałdaty, kab stać macniejšymi i bolš samaŭpeŭnienymi, i navat praktykujučyja psichołahi. Nieardynarnaja abjava nie zastałasia niezaŭvažanaj na forumie: karystalniki va ŭsiu vykazvajucca za i suprać takoj «pasłuhi».
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk4
Kamientary