Pra heta paviedamili ŭ pres-słužbie UUS abłvykankama.
U milicyju z zajavaj ab źniknieńni svajoj mašyny źviarnuŭsia miascovy žychar. Jak vyśvietliłasia, skraŭ aŭto jaho były ŭładalnik, žychar Voranaŭskaha rajona 1991 hoda naradžeńnia. Akazałasia, jaho mašynu kanfiskavali litoŭskija pravaachoŭniki za kantrabandu cyharet. Transpartny srodak byŭ vystaŭleny na aŭkcyjon, praź jaki jaho i nabyŭ hrodzieniec. Novy ŭładalnik adšukaŭ raniejšaha ŭłaśnika i paprasiŭ raspavieści pra aŭtamabil. Apošni padzialiŭsia infarmacyjaj i zaadno prykmieciŭ, dzie staić mašyna.
Paźniej žychar Voranaŭskaha rajona znoŭ pryjechaŭ u Hrodna i na evakuatary pavioz transpartny srodak da siabie dadomu. Doŭha šukać jaho nie pryjšłosia. U dačynieńni da złamyśnika raspačataja kryminalnaja sprava pa art.205 KK (kradziež). Aŭtamabil viernuty zakonnamu ŭładalniku.
Kamientary