Łukašenka ŭ kompleksie kiravańnia biełaruskim spadarožnikam: Hałoŭnaje — biaśpieka i abaranazdolnaść

Alaksandr Łukašenka zajaviŭ, što hałoŭnaje dla jaho — biaśpieka hramadzian, hramadstva, zabieśpiačeńnie abaranazdolnaści krainy.

Na hetym jon akcentavaŭ uvahu ŭ čas naviedvańnia Naziemnaha kompleksu kiravańnia Nacyjanalnaj sistemy spadarožnikavaj suviazi i viaščańnia ŭ Dziaržynskim rajonie.

Biełaruś maje namier iści darohaj intehracyi ŭ suśvietnuju infarmacyjnuju prastoru, raźvivajučy Nacyjanalnuju sistemu spadarožnikavaj suviazi i viaščańnia. Adpaviednyja zadačy pastaviŭ kiraŭnik dziaržavy Alaksandr Łukašenka ŭ čas naviedvańnia centra kaśmičnaj suviazi, jaki stvarajecca ŭ pasiołku Stańkava Dziaržynskaha rajona.

«U svoj čas my pačynali z akazańnia pasłuh pa stvareńni spadarožnikaŭ dla inšych krain. Ciapier my ŭ kaapieracyi možam stvaryć hetuju techniku sami, z čyjojści dapamohaj dastavić u kosmas (kasmadromy nam nie patrebnyja). Spadarožnikam my kirujem, pradukcyju ad jaho atrymlivajem i pradajem. Usio ŭ našych rukach», — skazaŭ Łukašenka.

Kiraŭniku dziaržavy dałažyli ab prajekcie pa stvareńni Nacyjanalnaj sistemy spadarožnikavaj suviazi i viaščańnia, jaki realizujecca ŭ adpaviednaści z kantraktam pamiž kitajskaj pramysłovaj karparacyjaj «Vialikaja ściana» i biełaruskim zavodam dakładnaj elektramiechaniki. U studzieni hetaha hoda z kitajskaha kasmadroma byŭ zapuščany biełaruski kamunikacyjny spadarožnik «Bielinterstat-1». Ciapier, adznačyŭ staršynia Dziaržaŭnaha vajenna-pramysłovaha kamiteta Siarhiej Huruloŭ, staić zadača kamiercyjalizacyi spadarožnika dla atrymańnia prybytku ŭ dalejšym. Pry hetym dadzieny pierśpiektyŭny prajekt aryjentavany nie tolki na akazańnie pasłuh u śfiery suviazi zamiežnym partnioram, ale i na ŭnutrany rynak. Faktyčna havorka idzie pra jakasna novy etap u raźvićci suviazi ŭ Biełarusi.

Z zapuskam «Bielinterstat-1» Biełaruś uvajšła ŭ prestyžny śpis krychu bolš za troch dziasiatkaŭ krain, jakija majuć spadarožnik ŭłasnaj sistemy suviazi.

Pa słovach Siarhieja Hurulova, aptymalnaje — mieć try spadarožniki, jakija, znachodziačysia na hieastacyjanarnaj arbicie, buduć pakryvać praktyčna ŭsiu terytoryju Ziamli. «Kali nam heta siońnia treba i vyhadna, to heta dziaržaŭnaja sprava. My i stvarali hety prajekt, kab jon akupiŭsia», — adznačyŭ biełaruski lidar.

Alaksandr Łukašenka ŭ suviazi z hetym padkreśliŭ, što jak i ŭ inšych halinach, samaje hałoŭnaje — pradać kančatkovy pradukt i bačyć rynki zbytu dla akazańnia adpaviednych pasłuh. «Kali buduć takija napracoŭki, my zapuścim druhi spadarožnik. Mabyć, jon patrebny dla bolš nadziejnaj suviazi, — skazaŭ Łukašenka. — Hety kompleks šmatfunkcyjanalny i vielmi patrebny dla našaj krainy. My jaho budziem raźvivać. Vielmi rady, što dla našaj moładzi jość takija pracoŭnyja miescy. Hetamu my budziem nadavać pieršaradnuju ŭvahu».

• 0
• 0
• 0
• 0
• 0
• 0
• 0
• 0