Słova «Čechija» (Czechia) pavinna stać adnoj z alternatyŭnych mižnarodnych nazvaŭ krainy, jakaja pa-anhlijsku aficyjna nazyvajecca Czech Republic.
Jak paviedamlaje Reuters, na dumku českich uładaŭ, pryniaćcie adpaviednaha rašeńnia «sprościć žyćcio» kampanijam, palitykam i spartsmienam.
«Paśla pryniaćcia češskim prezidentam, kabinietam ministraŭ i kiraŭnikami dźviuch pałat parłamienta, MZS padaść zajavu ab rehistracyi novaj hieahrafičnaj nazvy ŭ AAN, i hetaja nazva stanie aficyjnaj karotkaj hieahrafičnaj nazvaj krainy», — cytuje ahienctva pres-sakratara češskaha MZS.
Ahienctva taksama dadaje, što da hetaha času niama adzinaha standartyzavanaha anhlijskaha słova dla abaznačeńnia Čechii, u adroźnieńnie, ad, skažam, «Francyi», skaročanaha varyjantu «Francuzskaj Respubliki».
Prychilniki pierajmienavańnia kažuć, što słova Czechia u anhlijskaj movie možna prasačyć da 19 stahodździa, i słova było pryznana češskim upraŭleńniem hieadezii i kartahrafii jak adno z mahčymych alternatyŭnych słoŭ dla paznačeńnia krainy na karcie śvietu.
U samoj Čechii jość i praciŭniki pierajmienavańnia, siarod ich ministr rehijanalnaha raźvićcia Karła Ślechtava, jakaja śćviardžaje, što Czechia budzie vyhladać padobna na «Čačniu» i ŭžyvańnie hetaha słova pryviadzie da błytaniny.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary