Słaboje suciašeńnie: biełaruski lehijanier Rusłan Salej vyznačyŭsia halavym pasam.
«Łaviny» prajhrali treci matč zapar. Hetym razam ź likam 3:4 (1:2, 1:2, 1:0).
Biełarus Rusłan Salej vyznačyŭsia halavym pasam. Na piataj chvilinie 3‑ha peryjadu «Kałarada» skaraciła lik da minimumu — 3:4, ale zrabić bolšaha nia zdoleła.
Takim čynam lik u serym staŭ 0:3 na karyść «Detrojtu» i, kab trapić u finał Zachodniaj kanferencyi (paŭfinał Kubk Stenli), «čyrvonym kryłam» dastatkova adzin raz pieramahčy. «Kałarada», naadvarot, treba vyjhrać čatyry hulni zapar. U historyi Kubku Stenli redka kamu ŭdavałasia vyjści ŭ nastupny etap, sastupajučy 0:3.
Nastupnaja hulnia projdzie taksama ŭ Denvery, 1 traŭnia.
Cikava, što zaraz u troch seryjach z čatyroch lik 3:0. «Pitsburh» viadzie z takim likam u «Ńju‑Jork Rejndžersa», a «Dałas» u «San‑Chase».
Tolki «Manreal» sastupaje ŭ svajoj seryi 1:2 «Fiładelfii». Pryčym čaćviertuju hulniu «Kanadyjens», a značyć braty Kaścicyny, zhulajuć siońnia ŭnačy.
Kamientary