Fiederacyja prafsajuzaŭ Biełarusi inicyjuje ŭviadzieńnie ŭ krainie strachavańnia pa biespracoŭi i na vypadak straty zarobku z pryčyny bankructva najmalnika, paviedamlaje pres-słužba FPB.
Takuju prapanovu kiraŭnictva fiederacyi abnarodavała padčas kruhłaha stała 24 maja.
Jak adznačyła na mierapryjemstvie kiraŭnictva prafsajuznaj arhanizacyi, fiederacyja zaniepakojena pracesami, jakija adbyvajucca ŭ ekanomicy, źviazanymi, u pryvatnaści, z rostam vymušanaj niapoŭnaj zaniataści.
«Siońnia, kali my sutyknulisia z šeraham składanaściaŭ u ekanomicy krainy, jość pytańni, jakija tyčacca zabieśpiačeńnia poŭnaj i efiektyŭnaj zaniataści. Za apošni hod my nazirajem pavieličeńnie vymušanaj niapoŭnaj zaniataści, jość pradpryjemstvy, jakija nie ŭ stanie svoječasova vypłačvać zarabotnuju płatu», — zajaviŭ staršynia FPB Michaił Orda.
U suviazi z hetym, dadaŭ jon, asablivuju aktualnaść nabyvaje pytańnie dastatkovaści strachovačnych miechanizmaŭ, jakija dazvalajuć źmiakčać nastupstvy vyšejpieraličanych niehatyŭnych pracesaŭ dla pracoŭnych.
«My ŭvažliva praanalizavali naša zakanadaŭstva, pahladzieli na suśvietny vopyt i bačym, što jość nieabchodnaść u pavyšeńni ŭzroŭniu dziejnych harantyj na asnovie ŭkaranieńnia pryncypova novych padychodaŭ», — skazaŭ Orda.
Jak adznačaje pres-słužba FPB, mižnarodny vopyt śviedčyć, što strachavańnie pa biespracoŭi i strachavańnie na vypadak straty zarobku pa pryčynie bankructva pradpryjemstva źjaŭlajucca dziejsnymi mierami abarony pracoŭnych.
«Siońnia Fiederacyja prafsajuzaŭ Biełarusi inicyjuje ŭkaranieńnie dadatkovaha miechanizmu abarony rabotnikaŭ — strachavańnia pa biespracoŭi. Heta daść mahčymaść nie dapuścić rezkaha źnižeńnia ŭzroŭniu žyćcia čałavieka: jak praviła, strachavyja vypłaty ŭviazanyja z pamieram raniejšaha zarobku i strachavych adličeńniaŭ rabotnika», — havorycca ŭ paviedamleńni pres-słužby FPB.
Pry hetym adznačajecca, što ŭkaranieńnie takoha miechanizmu patrabuje prapracoŭki šerahu pytańniaŭ. U pryvatnaści, treba budzie vyznačyć, jakimi pavinny być minimalny strachavy staž i praciahłaść pieryjadu vypłaty dapamoh, jak budzie finansavacca sistema strachavańnia.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary