List ź Ministerstva ŭnutranych spraŭ napisany pa‑biełarusku.
Nahadajem, unačy 4 krasavika Nastu vysadzili ź ciahnika, što nakiroŭvaŭsia ŭ Varšavu, na padstavie taho, što na niepaŭnaletniuju maładafrontaŭku byccam by zaviedziena druhaja kryminalnaja sprava, jakaja ŭžo znachodzicca na razhladzie ŭ prakurora. Z hetaj nahody dziaŭčyna nibyta i była zaniesiena ŭ «spis nievyjaznych», i joj było zabaroniena pakidać miežy Biełarusi.
Na nastupny dzień Nasta napisała zajavu z prośbaj patłumačyć, što heta za sprava, chto i kali jaje zavioŭ i čamu jana naohuł ni pra jakuju spravu suprać siabie nie viedaje.
«Źviestki ab uzbudženni kryminalnych spraŭ u 2008 hodzie ŭ adzinym dziaržaŭnym banku danych ab pravaparušeńniach adsutničajuć, — havorycca ŭ adkazie MUS. — Vašy pašpartnyja danyja vyklučany ź viedamasnaha banka danych MUS ab hramadzianach RB, prava jakich na vyjezd za miažu časova abmiežavana, tamu što jany byli pamyłkova źmieščany ŭ bank u suviazi sa zbojem u pracy prahramna‑aparatnaha kompleksu. MUS Biełarusi prynosić Vam svaje prabačenni».
Treba adznačyć, što adkaz Ministerstva ŭnutranych spraŭ napisany pa‑biełarusku.
«Biezumoŭna, hety krok dobra spłanavany, — kamientuje adkaz z MUS Nasta Pałažanka. — U hety dzień u Varšavie ja pavinna była mieć šerah važnych sustreč, źviazanych ź dziejnaściu «Maładoha frontu», jakija, peŭna, nie byli vyhadnyja ŭładam, tamu śmiešna navat mierkavać pra niejki techničny zboj. Ja parajusia ź jurystami i, mahčyma, budu padavać u sud na MUS z patrabavańniem maralnaj kampiensacyi: nielha spakojna prymać toje, što ŭ dźvie hadziny nočy mianie, niepaŭnahadovuju dziaŭčynu, niezakonna zdymajuć ź ciahnika i vymušajuć adnu praviesci noč na vakzale ŭ čužym horadzie. Tym bolš nielha być upeŭnienaj, što ŭ nastupny raz u «prahramna‑aparatnym kompleksie» niečakana nie zdarycca zboj i mianie znoŭku nie paviarnuć na miažy».
-
«Nieaficyjna my daŭno kažam Minsku: pierastavajcie dapamahać ruskim». Zialenski patłumačyŭ, čamu pastaviŭ ultymatum
-
«Heta ŭžo nie tolki pytańnie demakratyi i pravoŭ čałavieka». Pieraabrany śpikier KR zaklikaŭ da nacyjanalnaha dyjałohu
-
Džon Koŭł zajaviŭ, što vyzvaleńni palitviaźniaŭ buduć praciahvacca
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk7
Kamientary