U kinateatry “Pieramoha” – dźvie ihravyja i dźvie dakumentalnyja stužki, pradstaŭlenyja ambasadaj Izrailu.
Z 20 pa 22 traŭnia Ambasada Izrailu i mienski kinaprakat pradstaŭlajuć hledačam “Novaje kino Izrailu”. U kinateatry "Pieramoha" buduć pakazanyja dźvie dakumentalnyja i dźvie ihravyja stužki.
Drama “Zorki Šłomi” raskazvaje pra 16-hadovaha chłopca, na jakim trymajecca dom. Jon dapamahaje staromu dziaduli, utajmoŭvaje nieŭraŭnavažanuju maci, padbadziorvaje baćku, dapamahaje siastry. Hieroja ličać nia vielmi razumnym, bo jon kiepska vučycca. Ale adnojčy vyśviatlajecca, što ŭ Šłomi – niezvyčajnyja matematyčnyja talenty.
U 2003 hodzie karcina Šemi Zarchina atrymała pryzy Izrailskaj kinaakademii za najlepšyja aktorskija pracy, dyzajn kaściumaŭ i aperatarskaje majsterstva.
U dakumentalnym filmie Ida Ara “Rastapić Sibir” hierainia jedzie ź Izrailu ŭ Sibir – da baćki, jakoha jana amal nia viedaje. Jana sustrakajecca sa svajakami i znachodzić tuju častku svajho žyćcia, jakaja nieabchodna joj dla sapraŭdnaj harmonii.
Stužka “Numar siamnaccać” – dakumentalny vyšuk. U 2002 hodzie rejsavy aŭtobus byŭ rastralany. 16 zahibłych pasažyraŭ było apaznana, siamnaccaty zastaŭsia nieviadomym. Režyser David Ofek idzie pa śledu…
Ślapaja hierainia ihravoj karciny “Pa-za polem zroku” taksama viadzie vyšuk. Jana viartajecca dadomu, kab daviedacca, čamu zrabiła sabie śmierć stryječnaja siastra. Raskryvajucca niečakanyja siamiejnyja tajny – i hierainia zmahajecca nia tolki ź fizyčnaj, ale j duchovaj ślepatoj. Film nazvany “zachaplalnym psychalahičnym i navat psychijatryčnym detektyvam”. U 2005 hodzie stužka atrymała pryzy Izrailskaj kinaakademii za najlepšuju režysuru (Deni Sirkin) – i pryz hladackich sympatyj na feście izrailskaha kino ŭ Ńju-Jorku.
Raskład seansaŭ:
20 traŭnia a 19.00 – “Zorki Šłomi”, 2003, 94 chv.
21 traŭnia a 19.00 “Viečar dakumentalnaha kino” – “Numar siamnaccać”, 2003, 76 chv.; i “Rastapić Sibir”, 2004, 75 chv.
22 traŭnia a 19.00 – “Pa-za polem zroku”, 2005, 86 chv.
Daviedki kinateatra "Pieramoha": 203-77-66
-
«Bolš za hod Śviatłana ciažka chvareła, ale navat padčas chvaroby nie skardziłasia» — Katynski muziej adhuknuŭsia na śmierć Śviatłany Kurs
-
U postapakaliptyčnym viesternie Guns of Eschaton budzie biełaruskaja mova. Łakalizacyju prafinansavali dva biełarusy
-
U Narviehii adkryli novy miemaryjał achviaram teraktaŭ Brejvika. Na im — kulik z kamianioŭ
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary