Amierykanskija vybarščyki addajuć pieravahu kandydatu ŭ prezidenty ZŠA ad respublikancaŭ Donaldu Trampu nad pradstaŭnicaj demakrataŭ Chiłary Klintan. Takija vyniki apytańnia CNN / ORC.
Heta najlepšy vynik Trampa pačynajučy ź vieraśnia 2015 h. — jon maje 44% u paraŭnańni z 39% u kandydata ad Demakratyčnaj partyi Chiłary Klintan, 9% u kandydata ad libiertaryjanskaj partyi Hery Džonsana i 3% kandydata ad «zialonych» Džył Stejn.
U apytańni, dzie pradstaŭleny tolki dva kandydaty, Donald Tramp nabiraje 48%, a Chiłary Klintan — 45%.
Jak adznačajecca, Tramp naraściŭ papularnaść za košt hałasoŭ niezaležnych vybarščykaŭ, jakija nie asacyjujuć siabie z peŭnaj partyjaj — ciapier jaho padtrymlivajuć 46% «niezaležnych» na 31%, jaki vykazvaŭsia ŭ jaho padtrymku ŭ kanvienta Respublikanskaj partyi, na jakim jaho aficyjna abviaścili kandydatam u prezidenty ZŠA.
Zatoje Klintan straciła padtrymku «niezaležnych» — z 34% da 28%.
Jak adznačajuć sacyjołahi, paśla kanvienta ŭ Kliŭlendzie rejtynh Trampa vyras adrazu na 6 pracentnych punktaŭ. I, jak piša CNN, takoha značnaha rostu rejtynhaŭ nie nazirałasia z vybaraŭ 2000 hoda, kali i Džordž Buš, i Eł Hor paśla Kanviencie naraścili svaju padtrymku na 8%.
Ciapier čytajuć
Staŭ viadomy prysud eks-pamočniku Łukašenki Iharu Bryło3
Kamientary