Amerykancy adnaŭlajuć aryhinalnuju kamiennuju aharodžu žydoŭskich mohiłak u Rubiaževičach i planujuć adramantavać stahadovy žyły dom, kab pieraŭtvaryć jaho u muzej žydoŭskaha pobytu pačatku XX stahodździa.
Amerykanskija studenty adnaŭlajuć zakinutyja jaŭrejskija mohiłki ŭ vioscy Rubiaževičy Staŭbcoŭskaha rajona. Ab hetym paviedamiŭ BiełaPAN dyrektar departamenta pa mižnarodnych suviaziach mižnarodnaha hramadzkaha abjadnańnia «Valuntas» doktar Franklin Švarc.
Pavodle jaho słoŭ, z 24 traŭnia da 4 červienia ŭ Biełarusi znachodziacca 19 studentaŭ i vykładčykaŭ rymska‑katalickaha ŭniversytetu «Sijena kaledž» (Ołbani, štat Ńju‑Jork, ZŠA), jaki ažyćciaŭlaje svaju dziejnaść dziakujučy finansavaj padtrymcy ordena francyskancaŭ. Razam ź imi znachodzicca inicyjatar prajektu doktar Majkł Łozman. Amerykancy adnaŭlajuć aryhinalnuju kamiennuju aharodžu jaŭrejskich mohiłak u Rubiaževičach i planujuć adramantavać žyły dom pačatku minułaha stahodździa, što raniej naležaŭ jaŭrejskaj siamji, kab pieraŭtvaryć jaho u muzej jaŭrejskaha pobytu pačatku XX stahodździa.
Jak zaznačyŭ F.Švarc, amerykanskija studenty i vykładčyki z Ołbani druhi raz pryjechali ŭ Biełaruś. Letam 2006 hodu jany adnaŭlali jaŭrejskija mohiłki ŭ vioscy Ŭsialub Navahradzkaha rajona Haradzienskaj vobłaści.
«Ich vielmi ŭraziła haścinnaść biełarusaŭ i duch supracoŭnictva, tamu čatyry studenty vyrašyli pryjechać jašče raz», — skazaŭ F.Švarc.
Pavodle jaho mierkavańnia, prajekt pa adnaŭleńni zakinutych jaŭrejskich mohiłak maje dla amerykancaŭ «vielmi važnaje značeńnie, pakolki jon adlustroŭvaje histaryčnaje supracoŭnictva pamiž usimi etnasami i relihijnymi supolnaściami, jakija stahodździami žyvuć na terytoryi Biełarusi i zachoŭvajuć u svajoj pamiaci trahičnyja padziei minułaha». Aprača taho, asabistyja kantakty pamiž ludźmi «dapamahajuć pazbavicca ad praduziataści i atrymać praŭdzivuju infarmacyju ab Biełarusi».
«Važnymi dla studentaŭ i vykładčykaŭ źjaŭlajucca padtrymka i intares, što prajaŭlajucca jak miascovymi žycharami, tak i orhanami ŭłady», — zaznačyŭ F.Švarc.
Ciapier čytajuć
Siarhiej Cichanoŭski pierabraŭsia žyć u Łos-Andželes76
Kamientary