Pavyšeńnie efiektyŭnaha piensijnaha ŭzrostu źjaŭlajecca krytyčna važnym dla praciahu supracoŭnictva Ukrainy i Mižnarodnaha valutnaha fondu, bo hety instrumient źjaŭlajecca važnym elemientam skaračeńnia deficytu Piensijnaha fondu Ukrainy, jaki źjaŭlajecca druhim pa pamiery (havorka pra deficyt) u śviecie ŭ adnosinach da VUP krainy.
Pra heta zajaviŭ dyrektar jeŭrapiejskaha departamienta MVF Poł Tomsien na anłajnavaj pres-kanfierencyi, paviedamlaje UNIAN.
«Piensii vielmi-vielmi nizkija, ich realny pamier byŭ pamienšany inflacyjaj. Jość nieabchodnaść ich pavieličeńnia, ale heta pavinna adbyvacca paralelna z paramietryčnymi źmienami ŭ piensijnaj sistemie, jakija dazvolać adnavić finansavuju žyćciazdolnaść. Takim čynam, tak, pavyšeńnie nizkich uzrostaŭ vychadu na piensiju, pavyšeńnie efiektyŭnaha piensijnaha ŭzrostu — krytyčna važnaje. Heta sapraŭdy pytańnie, adnosna jakoha adbyvajucca dyskusii ŭ kantekście nastupnaha pierahladu (prahramy supracoŭnictva MVF i Ukrainy), kab vyjści na nadziejny płan, jak spravicca z hetym u budučyni. Takim čynam, adkaz — tak, piensijnaja reforma — važnaja častka nastupnaha pierahladu prahramy, i pavyšeńnie efiektyŭnaha piensijnaha ŭzrostu źjaŭlajecca jaje častkaj», — skazaŭ Tomsien.
Pa słovach pradstaŭnika MVF, piensijnaja reforma była častkaj prahramy supracoŭnictva Ukrainy i Fondu z samaha jaje pačatku i niekalki razoŭ adkładałasia. «Piensijnaja reforma była častkaj prahramy z samaha pačatku i adkładałasia niekalki razoŭ. Ukraina maje surjoznyja prablemy ź piensijnaj sistemaj. Ja dumaju, što heta druhi pa pamiery deficyt piensijnaha fondu ŭ śviecie. Heta kompleksnaja prablema. Va Ukrainie vielmi vialikaja kolkaść piensijanieraŭ u adnosinach da kolkaści ludziej, jakija płaciać unioski ŭ piensijny fond, heta suadnosiny 1 da 1», — padkreśliŭ Tomsien.
Urad Ukrainy ŭ ramkach piensijnaj reformy płanuje z 1 kastryčnika hetaha hoda pravieści pavyšeńnie piensij, jakoje zakranie, pa papiarednich raźlikach, 5,6 młn ukraincaŭ, a taksama admianić padatkaabkładańnie piensij pracujučych piensijanieraŭ. Uradavy varyjant piensijnaj reformy nie praduhledžvaje pavyšeńnia piensijnaha ŭzrostu, a prapanuje inšyja instrumienty dla pabudovy spraviadlivaj i biezdeficytnaj piensijnaj sistemy. U toj ža čas, pavodle zajavy Mižnarodnaha valutnaha fondu pa vynikach pasiadžeńnia Rady dyrektaraŭ pa ŭkrainskim pytańni, Ukraina nie moža adkładać praviadzieńnie maštabnaj piensijnaj reformy, uklučajučy pavyšeńnie efiektyŭnaha piensijnaha ŭzrostu.
Va Ukrainie dla roznych hrup nasielnictva ŭ zaležnaści ad vidaŭ zaniataści ustanoŭlenyja roznyja piensijnyja ŭzrosty. Pavyšeńnie efiektyŭnaha piensijnaha ŭzrostu aznačaje pavieličeńnie asieradnionaha pakazčyka piensijnaha ŭzrostu. Pry hetym pavieličeńnie efiektyŭnaha piensijnaha ŭzrostu moža być dasiahnutaje jak za košt raŭnamiernaha pavyšeńnia dla ŭsich hrup nasielnictva, tak i za košt pavyšeńnia dla asobnych hrup.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra2
Kamientary