Navukoŭcy vynajšli sposab lačeńnia varykozu: kipiačeńnie kryvi
Hrupa rasijskich navukoŭcaŭ pryjšła da vysnovy, što kipieńnie kryvi ad vykarystańnia łaziernaha vypramieńvańnia źjaŭlajecca hałoŭnym faktaram paśpiachovaha lačeńnia varykoznaha pašyreńnia vien u čałavieka. Na dumku navukoŭcaŭ, dalejšaje vyvučeńnie hetaha pracesu dapamoža spraścić hetuju miedycynskuju technałohiju i zrabić jaje bolš tannaj dla nasielnictva. Vyniki navukovaj pracy apublikavanyja ŭ časopisie Quantum Electronnics.
Kipieńnie kryvi ŭ vienie pad uździejańniem vypramieńvańnia — hałoŭny faktar, jaki zabiaśpiečvaje lačebnaje dziejańnie łaziera, ličać navukoŭcy.
Suaŭtar artykuła Arciom Kisialoŭ paviedamlaje, što varykoz lečać łazieram ŭžo kala 20 hadoŭ, ale fizičny pryncyp hetaha mietadu da kanca nie byŭ jasny. Pryniata ličyć, što lačebny efiekt (denaturacyja abo zakryćcio vien) adbyvajecca za košt paškodžańnia endateliju — unutranych kletak ścienak sasudaŭ.
«Našyja daśledavańni pakazali, što endatelij paškodžvajecca z-za tempieraturnaha ŭździejańnia na kroŭ. Kipiačaja kroŭ stvaraje abjomnyja haračyja strumiani, z-za jakich ścienka vieny pačynaje zakryvacca».
Ciapier bolšaść flebołahaŭ pracujuć na śpiecyjalnym abstalavańni, jakoje apracoŭvaje vieny łazieram z cyrkularnym śviatłavodam. Kali nastupnyja daśledavańni paćvierdziać, što apracoŭka vieny adbyvajecca mienavita dziakujučy kipieńniu kryvi, dla hetaj pracedury možna budzie vykarystoŭvać bolš prostyja i tannyja śviatłavody. Na dumku vučonaha, u pierśpiektyvie heta daśledavańnie dazvolić raźvić bolš dastupnyja technałohii łaziernaha lačeńnia varykozu.
U pracy prymali udzieł daśledčyki z Škoły bijamiedycyny DVFU i Rasijskaj Akademii navuk (z Maskvy, Uładzivastoka i Čarnahałoŭki).
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra5
Kamientary