Uprava pa kantroli jakaści charčovych praduktaŭ i lekavych preparataŭ ZŠA (FDA) uchvaliła novy kurs lekavańnia raku, pry jakim vykarystoŭvajucca hienietyčna madyfikavanyja kletki kryvi samoha pacyjenta. Pradstaŭniki FDA nazvali heta histaryčnym momantam i dadali, što miedycyna vychodzić na novy ŭzrovień.
Košt kursa lačeńnia, jaki pradastaŭlajecca kampanijaj Novartis, — 475 tysiač dalaraŭ. Paśla prachodžańnia kursa prykładna 83% pacyjentaŭ pazbavilisia adnoj z formaŭ raku kryvi.
Hetyja «žyvyja leki» vyrablajucca indyvidualna dla kožnaha pacyjenta, u adroźnieńnie ad tradycyjnych mietadaŭ lekavańnia nakštałt chirurhii abo chimijaterapii.
Technałohija zaviecca CAR-T i vyrablajecca pry dapamozie zdabyvańnia kletak imunnaje sistemy z kryvi pacyjenta. Zatym hetyja kletki — T-limfacyty — hienietyčna pieraprahramujuć na toje, kab jany znachodzili i źniščali rakavyja kletki, paśla čaho madyfikavanyja limfacyty viartajuć u cieła pacyjenta, dzie ich kolkaść pavialičvajecca kožny raz, kali jany sutykajucca z rakavymi kletkami.
Adnak u takoha lekavańnia jość i ryzyki.
Adzin z mahčymych pabočnych efiektaŭ — śmiarotna niebiaśpiečny sindrom vykidu cytakiny, jaki moža raźvicca z pryčyny chutkaha raspaŭsiudžvańnia ŭ ciele kletak CAR-T. Hety praces možna kantralavać z dapamohaj lekaŭ.
Patencyjał technałohii CAR-T vychodzić za ramki lekavańnia tolki adnaho vidu raku. Doktar Devid Małani, kiraŭnik adździaleńnia kletačnaj imunaterapii ŭ Centry daśledavańnia rakavych zachvorvańniaŭ imia Freda Chatčynsana, nazvaŭ rašeńnie amierykanskaha rehulatara epachalnym momantam.
«My ŭpeŭnienyja, što heta pieršaja ŭ šerahu mnohich inšych novaja technałohija lekavańnia ad roznych vidaŭ raku na bazie imunaterapii», — skazaŭ jon.
Technałohija CAR-T idzie dalej i madyfikuje samu imunnuju sistemu, ale pakul jana tolki ŭ pačatkovaj stadyi raźvićcia.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha29
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu129129
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu129
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary