Minskaja machlarka vymaniła ŭ znajomych bolš za $200 tysiač, paviedamili ŭ Śledčym kamitecie.
Savieckim (h.Minska) rajonnym adździełam Śledčaha kamiteta rasśledujecca kryminalnaja sprava pa č. 4 art. 209 (machlarstva ŭ asabliva bujnym pamiery) KK Biełarusi ŭ dačynieńni da 47-hadovaj minčanki Hajane Ahaniesian. Žycharka stalicy padazrajecca ŭ tym, što z 2011 pa 2016 hod šlacham padmanu i złoŭžyvańnia davieram zavałodała hrašyma bolš za 20 znajomych. Ahulnaja suma skłała zvyš $200 tysiač. U jakaści asnoŭnaj padstavy dla atrymańnia pazyki žančyna nazyvała raźvićcio biznesu ŭ śfiery hramadskaha charčavańnia.
«Nibyta pad udaskanaleńnie technałahičnaha pracesu adna z paciarpiełych pieradała $118 tysiač. Pry hetym žančyna ŭ rečaisnaści źjaŭlałasia zasnavalnikam kafe ŭ horadzie, ale nabyvać novaje abstalavańnie nie miełasia. Akramia taho, niekatorym znajomym, jakija joj pazyčali hrošy, fihurantka paviedamlała, što srodki patrebnyja na darahoje lačeńnie maci i jaje pachavańnie, — adznačyli ŭ SK. — Dla paćvierdžańnia płaciežazdolnaści žančyna pakazvała roznyja abjekty budaŭnictva, jakija nibyta znachodziacca ŭ jaje ŭłasnaści. Taksama jana raspaviadała, što jaje finansava padtrymlivajuć pradprymalniki i znakamityja rasijskija akciory».
Pry rasśledavańni vyjaŭlena, što žančyna źjaŭlałasia pryvilejavanym členam hulniavych kłubaŭ. Vydatki za razavaje naviedvańnie mahli składać kala 2500 rubloŭ.
Fihurantka nie całkam pakryła škodu paciarpiełym. Da jaje śledčymi prymienienaja miera strymańnia ŭ vyhladzie zaklučeńni pad vartu. U žniŭni hetaha hoda žančynie vystaŭlenaje abvinavačvańnie. Na jaje majomaść nakładzieny aryšt.
Śledstva prosić hramadzian, paciarpiełych ad supraćpraŭnych dziejańniaŭ abvinavačvanaj, paviedamić ab hetym pa telefonach: 8 (029) 649 52 44, 8 (017) 396 68 23, u apieratyŭna-dziažurnuju słužbu USK pa Minsku: 8 (017) 389 55 55 abo na liniju 102.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie2
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary