Prajektam «Vandroŭki ŭ minułaje» rychtujecca da pieradruku kala 300 starych biełaruskich paštovak.
Ludzi žyvuć u haradach, nie ŭjaŭlajučy, jak tyja vyhladali sto i bolš hod tamu. Heta kiepska, bo niama pamiaci, histaryčnaha łancuhu, mienš lubovi da miesta i žadańnia jaho bierahčy.
Vydańnie starych paštovak u jakaści suvieniraŭ moža častkova vyrašyć hetuju prablemu — i mieścičam nahadajuć, jak vyhladali ich harady, i zamiežnikam budzie cikava pahladzieć, što i jak raniej było.
Minsk, Babrujsk, Baranavičy, Biełastok, Brest, Vilnia, Viciebsk, Hrodna, Dźvinsk, Druskieniki, Kobryn, Lida, Mahiloŭ, Navahrudak, Niaśviž, Pinsk, Słonim, Smalensk — vielmi cikava padhladzieć praz «akienca» paštoŭki, jak žyli našyja prodki ŭ hetych haradach.
Vydańnie paštovak dazvolić zrabić heta ŭsim nam, viarnuć ich va ŭžytak i tym samym papularyzavać historyju — jak siarod biełarusaŭ, tak i siarod zamiežnikaŭ, da jakich hetyja paštoŭki buduć traplać praz postkrosinh, padarunki, pierakanany aŭtary inicyjatyvy.
Zamović paštoŭki možna budzie tolki tut, u miežach hetaj kraŭdfandynh-kampanii. Paśla jany buduć biaspłatna razdavacca turystam na ekskursijach u miežach prajektu «Vandroŭki ŭ minułaje». Tam ich atrymać zmoža kožny, ale treba budzie vyjhravać ich u viktarynie pierad pačatkam ekskursij.
Padtrymać prajekt na płatformie Talaka.by možna pa hetaj spasyłcy.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary