Vital Ščerba padaŭ u sud na himnastku Hucu praz abvinavačvańni ŭ zhvałtavańni
Šaścirazovy alimpijski čempijon Vital Ščerba źviarnuŭsia ŭ sud ZŠA ŭ suviazi z abvinavačvańniami ŭ zhvałtavańni ŭkrainskaj himnastki Taćciany Hucu. Pra heta biełaruski himnast raspavioŭ telekanału «Biełaruś 1», piša Tut.by
«Adzinaje, što mahu skazać: ja padaŭ na jaje ŭ sud. Heta naturalna, heta zrazumieła było ad samaha pačatku — ja rychtavaŭsia z advakatami, tamu ŭ lutym užo budzie pieršaje słuchańnie», — zajaviŭ Ščerba.
Spravaj zajmajecca sud Łas-Viehasa, i, jak adznačyŭ Ščerba, «ciapier hety praces idzie».
Što tyčycca abvinavačvańniaŭ na jaho adras, to, jak zaŭvažyŭ Ščerba, ciapier luby «moža skazać usio, što zaŭhodna». Tamu apraŭdvacca sensu niama: «dakazać usio roŭna ničoha tut niemahčyma, i ludzi buduć dumać, jak jany chočuć».
«Tamu, jak sud projdzie, jak usio heta skončycca, kali zachočacca kamuści daviedacca niejkija padrabiaznaści pra tuju chłuśniu, jakuju jana kaža, niesastykoŭki, usio, što było skazana nieadekvatnym čałaviekam, — tady možna. A ciapier što kazać? Niama čaho», — dadaŭ Ščerba.
***
Dvuchrazovaja alimpijskaja čempijonka Hulniaŭ-1992 ukrainskaja himnastka Taćciana Hucu 17 kastryčnika minułaha hoda paviedamiła na svajoj staroncy ŭ fejsbuku, što ŭ 1991 hodzie padčas spabornictvaŭ u Štutharcie jana była zhvałtavanaja budučym 6-razovym alimpijskim čempijonam Vitalom Ščerbam. Paźniej u efiry ŭkrainskaha telekanała himnastka vykazała škadavańnie, što nazvała imia Vitala Ščerby.
Biełaruski spartsmien uvieś hety čas nijak nie kamientavaŭ abvinavačvańni, što prahučali na jaho adras. Valancina Mikałajeŭna Ščerba, mama Vitala, u intervju «Narodnaj Voli» nazvała zajavu Hucu «poŭnym tryźnieńniem».
Historyja Hucu stała praciaham tych adkryćciaŭ, jakija źjavilisia ŭ sacsietkach paśla abvinavačvańniaŭ na adras pradziusara kinastužak «Zabić Biła» i «Kryk» Charvi Vajnštejna ŭ šmatlikich damahańniach.
Kamientary