Pra vypadki brakańjerstva zaraz možna paviedamlać praz mabilny dadatak
Z 2 lutaha Ŭ testavym režymu na Play Markiet dastupny dadatak dla smartfonaŭ «Dziaržinśpiekcyja». Jano dazvolić paviedamlać ab parušeńniach pryrodaachoŭnaha zakanadaŭstva u režymie anłajn, paviedamlaje Dziaržaŭnaja inśpiekcyja achovy žyviolnaha i raślinnaha śvietu.
Luby, chto ŭstaluje dadatak na svaim mabilnym, zmoža zafiksavać parušeńnie (rybałoŭstva abo palavańnie zabaronienymi pryładami, u zabaronienuju hadzinu i hetak dalej) i pry najaŭnaści internetu adpravić fota z apisańniem u dziažurnuju słužbu Dziaržinśpiekcyi.
Pieravaha takoha paviedamleńnia ŭ tym, što razam ź im dziažurnaja słužba aŭtamatyčna atrymaje i kaardynaty kropki, dzie było zroblena fota. Navočnaść dazvolić acanić situacyju, i ŭ vypadku nieabchodnaści apieratyŭna adpravić hrupu ŭ pakazanaje miesca. Miarkujecca, što paśla dapracoŭki prykładańnia, paviedamleńni buduć pastupać nie tolki dziažurnamu, ale i na smartfony supracoŭnikaŭ bližejšaj mižrajonnaj inśpiekcyi.
Pakul prykładańnie raspracavana dla apieracyjnaj sistemy Android, płanujecca taksama raspracoŭka dla iOS. Usim karystalnikam prykładańnia harantavana ananimnaść.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami11
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary