U maskoŭskuju lakarniu źviarnułasia dziaŭčyna z kulaj u iłbie. Paciarpiełaja paviedamiła palicejskim, što stała achviaraj razbojnaha napadu. Pra heta ŭ paniadziełak, 5 lutaha, paviedamiła Ahienctvu haradskich navin «Maskva» krynica ŭ pravaachoŭnych orhanach.
Nočču 3 lutaha ŭ palicyju pastupiła infarmacyja ab tym, što na 21-hadovuju dziaŭčynu napaŭ nieviadomy ŭ mascy. «Pahražajučy paciarpiełaj pistaletam, mužčyna zapatrabavaŭ addać jamu hrošy, ale dziaŭčyna admoviłasia. Tady złačyniec streliŭ joj u hałavu i schavaŭsia, ničoha nie ŭziaŭšy. U paciarpiełaj chapiła sił samastojna dabracca da balnicy. Tam lekary pastavili joj dyjahnaz: «inšarodny pradmiet u łobnaj vobłaści»», — skazała krynica.
Jon adznačyŭ, što lekary vyniali kulu, paśla čaho dziaŭčyna ŭ stanie lohkaha ałkaholnaha apjanieńnia pryjšła ŭ palicyju. Paśla napisańnia zajavy jana pakinuła adździeł palicyi, patłumačyŭšy, što doma jaje čakaje małoje dzicia. Adkryta kryminalnaja sprava ab razboi, viadziecca śledstva.
Kamientary