Studentaŭ Univiersiteta kultury zaklikali ihnaravać Dzień Voli. Vykładčyca: Heta maja hramadzianskaja pazicyja
Valeryja Filipienka, vykładčyca kafiedry mižkulturnaha abmienu i kuratarka adnoj z hrup Biełaruskaha dziaržaŭnaha ŭniviersiteta kultury i mastactvaŭ, praviała sa svaimi studentami kuratarskuju hadzinu.
Tema niečakanaja: «Ihnaravańnie Dnia Voli (25 sakavika), bo dadzienaje mierapryjemstva supiarečyć ideałohii Respubliki Biełaruś».
Jak paviedamiła «Našaj Nivie» sama Valeryja Filipienka, takim čynam jana vykazała svaju hramadzianskuju pazicyju.
«Kuratarski čas ja mahu pravodzić jak zaŭhodna — i maju prava ahučvać svaju hramadzianskuju pazicyju, — tłumačyć Filipienka. -
Ja liču, što Dzień Voli supraćstaić ideałohii, bo my idziem demakratyčnym šlacham. Toje, što adbyvajecca ŭ našaj krainie, mnie padabajecca. A toje, što adbyvałasia ŭ tyja časy, mnie nie vielmi padabajecca. Ja ž maju prava tak ličyć, pravilna?»
Adznačym, što inšyja kuratary ŭniviersiteckich hrup pryśviacili svaje hadziny temie Chatyni.
Kamientary