20 sakavika KDB na haračym učynku zatrymaŭ dyrektara Departamienta pa avijacyi Ministerstva transpartu i kamunikacyj Biełarusi Uładzimira Kościna pry atrymańni chabaru ŭ pamiery 3500 dołaraŭ ZŠA.
Taksama zatrymany chabaradavalnik — kiraŭnik adnoj z kamiercyjnych struktur, jaki pieradavaŭ hrošy Kościnu za sprobu vyrašeńnia pytańniaŭ, jakija ŭvachodziać u jaho kampietencyju.
Raspačatyja kryminalnyja spravy pa č.3 artykuła 430 («Atrymańnie chabaru») i č.2 artykuła 431 («Davańnie chabaru»). Da ich prymieniena miera strymańnia ŭ vyhladzie zaklučeńnia pad vartu.
Pavodle infarmacyi na sajcie Departamienta pa avijacyi, Uładzimir Kościn — piłot 1 kłasa, ahulny nalot — bolš za 10 tysiač hadzin. Rodam jon z Omskaj vobłaści. Z 1982 hoda pracavaŭ u Biełaruskim abjadnańni hramadzianskaj avijacyi. Spačatku byŭ druhim piłotam, a potym kamandziram Tu-134, Tu-154. U 2003 hodzie prajšoŭ pierapadrychtoŭku na kamandzira pavietranaha sudna «Boinh-737-300/400/500». Paśla 2005 hoda byŭ pieršym namieśnikam staršyni Dziaržkamiteta pa avijacyi, potym, pa 2013 hod, — namieśnikam dyrektara Departamienta pa avijacyi Ministerstva transpartu i kamunikacyj.
Viadoma, što bolšaja častka lotnaj karjery Kościna pryjšłasia na pieraloty vip-pasažyraŭ, jon taksama byŭ piłotam borta № 1.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary