Kanapackaja padrychtavała zakonaprajekt ab vykarystańni i achovie bieła-čyrvona-biełaha ściaha
Padrychtavany zakonaprajekt ab vykarystańni i achovie bieła-čyrvona-biełaha ściaha — pieršaha dziaržaŭnaha ściaha Respubliki Biełaruś. U bližejšy čas deputat Hanna Kanapackaja nakiruje prajekt zakona na razhlad Pałaty pradstaŭnikoŭ, paviedamlaje «Art Siadziba».
Z hetaj nahody 14 traŭnia a 18-j hadzinie ŭ kanhres-chole hatela «Viktoryja» (pr-t Pieramožcaŭ, d. 59) adbudziecca publičnaja prezientacyja zakonaprajekta, jaki rehuluje pravavyja asnovy vykarystańnia, papularyzacyi i achovy bieła-čyrvona-biełaha ściaha — dziaržaŭnaha simvała Respubliki Biełaruś u pieryjad z 19 vieraśnia 1991 hoda pa 6 červienia 1995 hoda, jaki maje asablivaje histaryčnaje, duchoŭnaje i kulturnaje značeńnie dla našaj krainy i jaje žycharoŭ.
U miežach prezientacyi zakonaprajektu adbudziecca abmierkavańnie hetaj inicyjatyvy, vystupy deputataŭ, aktyvistaŭ, historykaŭ, pradstaŭnikoŭ hramadskich i palityčnych arhanizacyj, a taksama tvorčaja prahrama z udziełam biełaruskich muzykaŭ.
Stvareńnie hetaha zakonaprajekta i praca pa jaho zaćviardžeńni — inicyjatyva deputata Płaty pradstaŭnikoŭ Nacyjanalnaha schodu Respubliki Biełaruś Hanny Kanapackaj u praciah šmathadovaj kampanii ab nadańni statusu historyka-kulturnaj kaštoŭnaści bieła-čyrvona-biełamu ściahu, jakuju pravodzili «Art Siadziba», Źmicier Daškievič, Biełaruskaja Chryścijanskaja Demakratyja i inšyja aktyvisty dy arhanizacyi.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary