Alaksandr Łukašenka siońnia vykazaŭ krytyku ŭ adras šerahu kiraŭnikoŭ vysokaha ŭzroŭniu za niedastatkovyja namahańni pa realizacyi dadzienych raniej daručeńniaŭ, nakiravanych na raźvićcio pramysłovaj śfiery ŭ Aršanskim rajonie, piša BiełTA.
Kiraŭnik dziaržavy naviedaŭ u rajonie šerah pradpryjemstvaŭ, adnym ź jakich stała AAT «Technika suviazi» ŭ horadzie Barań. Pradpryjemstva «Technika suviazi» znachodzicca ŭ padparadkavańni Dziaržkamvajenprama i ŭvachodzić u skład chołdynhu «Hieainfarmacyjnyja sistemy kiravańnia». Staviłasia zadača raźvivać vytvorčaść na isnujučych płoščach, pašyrajučy vypusk i namienkłaturu zapatrabavanaj na rynku pradukcyi.
Adnak pa fakcie šmatlikija budynki i pamiaškańni albo nie vykarystoŭvajucca, abo vystaŭleny na prodaž, albo płanujucca pad znos. Kiraŭniku dziaržavy ŭ cełym paviedamili ab płanach pa raźvićci pradpryjemstva, stanoŭčuju dynamiku — rastuć abjomy vypuskajemaj pradukcyi, stvarajucca novyja pracoŭnyja miescy.
Tym nie mienš Alaksandr Łukašenka źviarnuŭ uvahu kiraŭnictva haliny, što jaho daručeńni vykonvajucca daloka nie ŭ poŭnym abjomie, a zajava ab tym, što pazastałych vytvorčych płoščaŭ dastatkova, — tolki tłumačeńnie niedastatkova efiektyŭnaj pracy.
«Kali ničoha nie rabić, to dastatkova. A kali pastavić pierad saboj metu … bo pieršapačatkova zadača staviłasia, kab heta ŭsio było vami zasvojena i tam vyrablaŭsia pradukt, patrebny dla rynku, - skazaŭ jon. - A vy źlohku padyšli: heta, heta i heta pad buldozier. A heta — pradadzim. Nu, što za zavod budzie?! Ja b i biez vas heta zrabiŭ. Ja baču, vy naohuł nie dumali nad rašeńniem toj zadačy, jakaja była pastaŭlena».
«Navošta mnie ministerstva i ministr taki (havorka pra Dziaržkamvajenpram), jaki pad buldozier budzie puskać toje, što ja jamu skazaŭ asvoić», - padkreśliŭ biełaruski kiraŭnik.
Alaksandr Łukašenka źmianiŭ pieršapačatkova prapanavany maršrut naviedvańnia i asabista ahledzieŭ vytvorčuju terytoryju pradpryjemstva. Vyśvietliłasia, što ŭ mnohich miescach nie toje što nie arhanizavana vytvorčaść, a navat nie naviedzieny elemientarny paradak.
«Voś vaš tvar, kali ŭžo vy siudy pryviali pakazać niešta i pakazali … Nu tak, vy nie płanavali, što ja zajdu ŭ vaš «tualet». Vy pieratvaryli praz pavierch heta pamiaškańnie ŭ tualet, dzie nichto nikoli nie prybiraŭ. My siońnia pakažam usiamu narodu, jak vy pracujecie», - zajaviŭ kiraŭnik dziaržavy.
«Vy vyrašyli sa mnoj abyścisia małoj kryvioju. Voś, zaraz pakažam: uvajšli, na lifcie padnialisia, tam niejkija płaty hablujuć … U nas usio dobra, — adznačyŭ jon. — Heta ž treba dadumacca … Dva hady ab adnym i tym ža kažu. Pryjechaŭ - «cudy».
Pačynajučy ad dziaržsakratara, kiraŭnika Administracyi i premjer-ministra, vy tak pracujecie».
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary