Film maładoha biełaruskaha režysiora Kiryła Nonha «Rabotnik hoda» praciahvaje źbirać uradžaj prestyžnych kinaŭznaharod. Paśla Hran-pry fiestyvalu mabilnaha kino velcom Smartfilm-2017 hetaja praca była ŭhanaravana pryzam žury «Zała słavy» i pieramohaj u naminacyi Smart Fiction fiestyvalu SmartPhilm u Vašynhtonie (ZŠA).
«Rabotnik hoda» — karotkamietražny film, jaki raspaviadaje pra śviet, u jakim robaty pastupova vyciaśniajuć ludziej. Žury fiestyvalu SmartPhilm-2018 pryznała jaho najlepšym u katehoryi fantastyčnych filmaŭ (darečy, u finale naminacyi «Rabotniku hoda» skłali kankurencyju jašče 14 rabot), a taksama ŭdastojeny hałoŭnaj uznaharody — pryza žury «Zała słavy».
Admietnaj rysaj fiestyvalu SmartPhilm źjaŭlajecca toje, što ŭsie filmy-ŭdzielniki źniatyja vyklučna na smartfony abo inšyja mabilnyja devajsy. Takim čynam arhanizatary imknucca zraŭniać u techničnych adnosinach šancy aŭtaraŭ-pačatkoŭcaŭ i prafiesijnych režysioraŭ, aceńvajučy ŭ pieršuju čarhu kreatyŭnaść i tvorčy padychod.
Aŭtar filma «Rabotnik hoda» — biełaruski režysior, vypusknik Ńju-Jorkskaj kinaakademii (New York Film Academy) Kirył Nonh. Hałoŭnyja roli vykanali akcior z Sankt-Pieciarburha Kanstancin Fisienka i zasłužany artyst Biełarusi Alaksandr Kašpieraŭ. Film «Rabotnik hoda» ŭžo damohsia pośpiechu na radzimie, atrymaŭšy Hran-pry fiestyvalu velcom Smartfilm — 2017, paśla čaho paŭtaryŭ svoj pośpiech za akijanam.
Kamientary