Viečaryna pamiaci Zacharčanki ŭ Minsku prachodziła na bazie «Rossotrudničiestva»

Na hetym tydni ŭ Minsku prajšła viečaryna pamiaci kiraŭnika «DNR» Alaksandra Zacharčanki. Praŭda, u paviedamleńni sajta materik.ru nie paznačajecca, dzie prachodziła mierapryjemstva, a taksama kolki było ŭdzielnikaŭ.

Pavialičyć

Adzin z vystupoŭcaŭ na viečarynie, arhanizatar «Bieśśmiarotnaha pałka» Valeryj Drako skazaŭ u razmovie z «Našaj Nivaj», što impreza prachodziła «ŭ rajonie Niamihi, mahčyma, na bazie «Rossotrudničiestva». Ahułam na viečarynu pryjšło kala 50 čałaviek.

Prysutnym byli pakazanyja dakumientalnyja filmy pra Zacharčanku. Sam Drako ad imia levych arhanizacyj stalinisckaha tołku začytaŭ zvarot da prezidentaŭ Rasii i Biełarusi ab dałučeńni «ŁNR» i «DNR» da «sajuznaj dziaržavy». «Biełaruskija ŭłady buduć suprać, my nie sumniajomsia, — skazaŭ Drako. — Cikava, jak na heta adreahuje prezident Rasii».

Sam Drako ni razu nie byŭ u Daniecku i Łuhansku paśla pačatku bajavych dziejańniaŭ, ale źbiraje srodki ŭ padtrymku sieparatysckich dziaržavaŭ.

«Da nas pryjazdžała žančyna, kiraŭnica artylerystaŭ, u jaje ruki ŭsie ŭ porachu, chacia sama nie vajuje. Kantakt naładžany», — kaža Drako.

Były deputat Pałaty pradstaŭnikoŭ Drako ŭpeŭnieny, što ŭ niespakoi na Danbasie najpierš zacikaŭlenyja ZŠA. «Jany, moža, tam usich i zabivajuć, a potym śpichvajuć na Kijeŭ. Jeŭropa mienš u hetym zacikaŭlenaja», — kaža jon.

U samim «Rossotrudničiestvie» nam skazali, što hramadskaja arhanizacyja «Ruś» vykarystoŭvaje ich aktavuju zału dla roznych mierapryjemstvaŭ, tamu tam mahło być i hetaje mierapryjemstva.

Namieśnik staršyni «Rusi» Mikałaj Siarhiejeŭ paćvierdziŭ, što impreza sapraŭdy prachodziła na bazie «Rossotrudničiestva».

«Biełaruskija ŭłady my nie zaprašali, my viedajem ich nieadnaznačnaje staŭleńnie, — skazaŭ Siarhiejeŭ. — Heta byŭ viečar pamiaci tych, chto viadzie baraćbu suprać fašyzmu i banderaŭščyny. Hramadskaść prosta ŭšanavała pamiać».

Rasijski centr navuki i kultury («Rossotrudničiestvo») źjaŭlajecca rasijskaj fiederalnaj strukturaj, finansujecca ź biudžetu. Ofis arhanizacyi ŭ Minsku mieścicca pa adrasie Revalucyjnaja, 15a. Da hetaha pamiaškańnie im pradstaŭlała pasolstva Rasii ŭ Minsku.

Majucca taksama takija centry ŭ Breście i Homieli. Pry «Rossotrudničiestvie» aktyŭničaje Siarhiej Łušč, kiraŭnik «Rusi maładoj». Z ofisa «Rossotrudničiestva» kaardynujecca razdača hieorhijeŭskich stužak na Dzień Pieramohi. Pry hetym aficyjna heta ličycca kulturna-infarmacyjnaj strukturaj.

• 0
• 0
• 0
• 0
• 0
• 0
• 0
• 0