4 studzienia ŭ Minskim haradskim sudzie prajšło papiaredniaje pasiadžeńnie pa spravie dvuch miedykaŭ: namieśnika ministra achovy zdaroŭja Ihara Łasickaha i hałoŭnaha ŭrača minskaj stamatałahičnaj palikliniki №12 Uładzimira Kraŭčonka. Abodvuch mužčyn vinavaciać u złoŭžyvańni słužbovymi paŭnamoctvami i chabary, piša partał Tut.by.
Ale ž Kraŭčonak zaklučyŭ pahadnieńnie ab supracoŭnictvie sa śledstvam. Jon pryznaŭ vinu, kampiensavaŭ škodu i vykryŭ inšych fihurantaŭ spravy, paviedamiŭ na pasiadžeńni prakuror.
Sud vyrašyŭ, što Kraŭčonak vykanaŭ umovy pahadnieńnia.
Kraŭčonku, jaki zaklučyŭ pahadnieńnie sa śledstvam, mohuć vynieści bolš miakki prysud, čym inšym fihurantam spravy. Navat ciapier suda jon čakaje pad chatnim aryštam, tady jak Łasicki — pad vartaj.
Paŭnavartasny razhlad spravy pačniecca 11 studzienia.
«Ja sumlenny čałaviek, niahledziačy ni na što. Mianie adrazu pryniali [nazad] na pracu, pracuju z zadavalnieńniem. Kožny čałaviek maje prava na pamyłku», — adkazaŭ paśla pasiadžeńnia na pytańni žurnalistaŭ Uładzimir Kraŭčonak.
U jaho pacikavilisia, jak jon ciapier žyvie paśla taho, što zdaryłasia.
«Ciažka žyć, čytaju Dante, usim rekamienduju «Boskuju kamiedyju», — paviedamiŭ Kraŭčonak.
Kamientary