Novy płan mirnaha ŭrehulavańnia na Danbasie, jaki pavinien pryjści na źmienu minskim pahadnieńniam, praduhledžvaje arhanizacyju sumiesnaj misii AAN i ABSIE, a taksama stvareńnie Jeŭrasajuzam ahienctva pa adnaŭleńni rehijonu. Pra heta zajaviŭ śpiecyjalny pradstaŭnik ABSIE na pieramovach u Minsku Marcin Sajdzik u intervju aŭstryjskaj haziecie Kleine Zeitung.
«Na praciahu apošnich hadoŭ my ŭbačyli, što mienavita ŭ minskich damoŭlenaściach źjaŭlajecca nie zusim dakładnym. Važnym momantam źjaŭlajecca toje, što dla realizacyi centralnaha elemienta — praviadzieńnia miascovych vybaraŭ — patrabujecca dapamoha zvonku», — skazaŭ jon, padkreśliŭšy, što arhanizavać takija vybary moža tolki AAN.
Pavodle jaho słoŭ, novy płan pavinny zaćvierdzić krainy «Narmandskaj čaćviorki» — Ukraina, Rasija, Francyja i Niamieččyna. Papiaredni varyjant pahadnieńnia pradstavili na pasiadžeńni Rady ministraŭ zamiežnych spraŭ ABSIE, što adbyłosia ŭ śniežni 2018 hoda ŭ Miłanie. Tam prysutničali pradstaŭniki Ukrainy, Rasii, Hiermanii i Francyi, jakija «mahli zadavać pytańni i rabić kamientary».
Kamientary