Aktyvistku aštrafavali za toje, što prykavała siabie łancuhom da słupa ŭ centry Minska
Sud Centralnaha rajonu aštrafavaŭ na 1020 rubloŭ sustaršyniu ruchu salidarnaści «Razam» Alenu Tałstuju za akcyju na Kastryčnickaj płoščy Miensku 25 sakavika. Pastanovu vyniesła sudździa Viktoryja Šabunia, paviedamlaje «Radyjo Svaboda».
Uviečary 25 sakavika aktyvistka na Kastryčnickaj płoščy prykavała siabie łancuhom da vazona z kvietkami. Hetak Tałstaja pratestavała suprać:
- zatrymańniaŭ na mitynhu-kancertu na Dzień Voli 24 sakavika ŭ Miensku;
- abmiežavańnia palityčnych svabodaŭ u Biełarusi.
Da sudu Alena Tałstaja try dni trymała haładoŭku ŭ izalatary časovaha ŭtrymańnia. U sudzie aktyvistka paviedamiła, što ŭ izalatary joj nie davali mahčymaści pisać skarhi i zajavy.
Alena Tałstaja vinavataj siabie nie pryznała. Padčas pracesu śviedki-milicyjanty błytalisia ŭ pakazańniach. Abaronca aktyvistki prasiła sud apraŭdać jaje, bo, na dumku advakatki, składu administracyjnaha pravaparušeńnia nie było.
Pry zatrymańni 25 sakavika milicyjanty zabrali ŭ Aleny Tałstoj bieł-čyrvona-bieły ściah. Kudy jon potym padzieŭsia, vyśvietlić nie ŭdałosia. Milicyjant, jaki zabraŭ ściah, admoviŭsia adkazvać na hetaje pytańnie.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary