Valaryna Kustava naradziła dačku. Imia vybrali niezvyčajnaje
Mamaj paetka i telezorka Valaryna Kustava stała krychu bolš za miesiac tamu, ale raskazała pra heta tolki ciapier.
«Naradžała ja ŭ Minsku, u vip-adździaleńni šostaj balnicy, rody byli partniorskija, dakładniej, apošniaja ich hadzina. Miedycynskim absłuhoŭvańniem zastałasia vielmi zadavolenaja. Rody prymała vydatny doktar Iryna Borys», — raskazvaje Valaryna.
U dziaŭčynki niezvyčajnaje imia, jakoje pryjšło da Valaryny ŭ śnie, — Dzivija Kanstancyja.
Poŭnaje imia niemaŭlaci - Dzivija Kanstancyja Kustava.
Dzivija (Dziva) — heta bahinia pryrody, maci ŭsiaho žyvoha; słavianskaja Bahinia Miesiaca; žanočaja adpaviednaść hreckamu bohu Zieŭsu. Dy i pa-biełarusku hučyć jak dziva, to bok — cud.
Kanstancyja (Kastusia) — tak zvali ŭlubionaha polskaha paeta Valaryny — Kanstancyja Ildefansa Halčyńskaha. Nu i Kalinoŭskaha taksama.
«Podpisy pad pietycyjaj za źjaŭleńnie biełaruskaj movy na pomniku Kalinoŭskamu i jaho paŭstancam źbirała navat padčas schopak», — kaža Valaryna.
U ZAHSie, darečy, prablem z rehistracyjaj nie było. Tam, pa słovach maładoj mamy, usie byli ŭražanyja i začaravanyja imiem.
«Abviaściła ŭčora na kancercie Niaklajeva i Vajciuškieviča «Zorka Dziva» pra isnavańnie Dzivy. Kali dačka padraście, budzie viedać, što pieśnia z hetaj nazvaj pra jaje», — raskazała Valaryna.
Ciapier čytajuć
Siarhiej Cichanoŭski pierabraŭsia žyć u Łos-Andželes46
Kamientary