Dziasiatki ludziej sabralisia na Čarnobylski šlach, niahledziačy na zabaronu
Arhanizatary tradycyjnaha šeścia «Čarnobylski šlach» za dzień da mierkavanaj daty akcyi paviedamili, što admovilisia ad tradycyjnaha šeścia i mitynhu — milicyja vystaviła kaśmičnyja rachunki za achovy akcyi, niama hrošaj, kab takija sumy — kala 10 tysiač rubloŭ — spłacić. Ale niekalki dziasiatkaŭ žycharoŭ Minska ŭsio ž sabralisia ŭ biełaruskaj stalicy na hetu pamiatnuju datu.
Aktyvisty razam z žurnalistami pryjšli na placoŭku la Akademii navuk. Siarod udzielnikaŭ my zaŭvažyli staršyniu Maładoha frontu Dzianisa Urbanoviča, palityka Chryścijanskaj demakratyi Volhu Kavalkovu, Viačasłava Siŭčyka z ruchu «Razam», ekanamista Siarhieja Čałaha, rekłamistku Juliju Laškievič, Mikałaja Kazłova z Abjadnanaj hramadzianskaj partyi, piensijanierku Ninu Bahinskuju i ajca Vikiencija ź Biełaruskaj aŭtakiefalnaj pravasłaŭnaj carkvy. Ahułam kala 35 čałaviek.
Nina Bahinskaja ŭźniała ściah.
Siłaviki zdymajuć ludziej, ale nie čapajuć. Siłaviki ŭ cyvilnym ačapili prystupki akademii, kab ludzi nie išli tudy.
Adzin ź milicyjanieraŭ zajaviŭ, što akcyja niesankcyjanavanaja.
Udzielniki sabralisia ŭ Kijeŭski skvier i pajšli šeściem.
Voś takaja mašyna supravadžaje ŭdzielnikaŭ akcyi.
Kala kaplicy jany ŭšanavali pamiać Juryja Chadyki, Vasila Bykava i Alesia Adamoviča jak pieršych arhanizataraŭ «Čarnobylskaha šlachu». Była chvilina maŭčańnia.
Viačasłaŭ Siŭčyk pramoviŭ: «Ułady mohuć zabaranić Čarnobylski šlach, ale nie mohuć zabaranić nam nazyvacca ludźmi».
Naprykancy akcyi ŭdzielniki prakryčali «Žyvie Biełaruś!» i ŭskłali kvietki.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud29
Kamientary