Bujnyja suśvietnyja aŭtakancerny, uklučajučy Hyundai, KIA, Mercedes i Jaguar LandRover, zajavili pra schiemy machlarstva z udziełam sudoŭ Krasnadarskaha kraju «pad prykryćciom» pazovaŭ pra abaronu pravoŭ spažyŭcoŭ piša RBK.
Aŭtakancerny śćviardžajuć, što rajonnyja sudy Krasnadara zadziejničany ŭ schiemie pa spahnańni z vytvorcaŭ viartańnia koštu aŭtamabilaŭ, jaki u niekalki razoŭ (u šerahu vypadkaŭ u dzieviać i bolš razoŭ) pieravyšaje pieršapačatkovy košt mašyny pry jaje prodažy.
Aŭtary zvarotu zaŭvažyli, što ŭ Krasnadary dziejničaje «ałharytm», u adpaviednaści ź jakim pazoŭniki čaściakom źviartajucca ŭ sudy na praciahu 15 dzion paśla pakupki novaha aŭtamabila sa skarhami na defiekty mašyny. Ich intaresy ŭ sudach pradstaŭlaje miascovaja arhanizacyja «Kamitet pa abaronie pravoŭ spažyŭcoŭ i pradprymalnikaŭ Krasnadarskaha kraju», apisvajuć schiemu aŭtakancerny. Sudovyja ekśpiertyzy, śćviardžajuć jany, pravodziać adny i tyja ž śpiecyjalisty, jakija vyjaŭlajuć vytvorčy charaktar defiektu aŭtamabila, a zajaŭnik nie źjaŭlajecca na pravierku jakaści i nie daje aŭtamabil.
U vyniku sudy zadavalniajuć patrabavańni ab viartańni koštu mašyn na sumu, jakaja ŭ niekalki razoŭ pieravyšaje košt novych aŭtamabilaŭ.
U aŭtavytvorcaŭ jość dokazy niepracesualnych kantaktaŭ pamiž pazoŭnikami i sudździoj: kali iskavyja dakumienty adkazčyku zamiest suda adpraŭlajucca pradstaŭnikom istca, havorycca ŭ zvarocie aŭtakancernaŭ.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary