Amierykaniec padchapiŭ u basiejnie amiobu-parazita, jakaja praz nos trapiła jamu ŭ mozh i zabiła za dziesiać dzion
59-hadovy amierykaniec Edzi Hrej pamior prykładna praź dziesiać dzion paśla naviedvańnia akvaparku Fantasy Lake ŭ Paŭnočnaj Karalinie. Vinavataj u jaho śmierci stała amioba Niehleryja Foulery (Naegleria fowleri), jakoj kupalščyk, vierahodna, zaraziŭsia ŭ basiejnie. Pra heta piša resurs «Papularnaja miechanika».
Amioba (na fota) maje kiepskuju reputacyju. Jaje traplańnie ŭ straŭnikava-kišačny trakt čałavieku ničym nie pahražaje, a voś trapleńnie ŭ nos moža stać fatalnym. Amioba vykarystoŭvaje niuchalny nierv dla praniknieńnia ŭ hałaŭny mozh. Jana, viadoma, nie choča čałavieku zła, ale joj taksama chočacca jeści.
Trapleńnie amioby ŭ mozh i ich nastupnaje razmnažeńnie tam vyklikaje pieršasny amiobny mieninhaencefalit. U rasparadžeńni miedykaŭ jość niekalki lekaŭ, zdolnych zapavolić praciah chvaroby, ale poŭnaje adužańnie na siońniašni dzień nierealnaje. Vynikam chutčej za ŭsio budzie śmierć.
Zarazicca parazitam možna padčas nyrańnia, skačkoŭ ź vialikaj vyšyni i rezkich apuskańniaŭ u vadu. Što z hetaha rabiŭ Edzi Hrej nieviadoma, ale treba ŭličvać, što amioba — ciepłalubny arhanizm, jaki addaje pieravahu vadzie, tempieratura jakoj znachodzicca pryblizna na ŭzroŭni čałaviečaj. Apuskańnie ŭ takuju moža być niebiaśpiečna. Abaronaj ad amioby moža być zaciskańnie nozdraŭ, jakoje praduchilaje traplańnie vady ŭ nos.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary