Ankachvoryja pavinny paviedamlać lekaram, kali dadatkova prymajuć raślinnyja preparaty, bo heta moža zaškodzić pracesu lačeńnia. Pra heta zajavili ŭdzielniki kanfierencyi pa prablemach raku, piša bbc.com.
Kapsuły z ekstraktam časnyku, imbiru, hinkha biłoba mohuć, naprykład, zapavolvać hajeńnie ran padčas raźvićcia raku małočnaj załozy.
Chirurh-ankołah, prafiesar Maryja Žaao Kardosa zajaviła, što pakul niama navukovych dokazaŭ efiektyŭnaści hamieapatyi i kremaŭ pry lačeńni ankałohii.
«Daktary pavinny dziejničać bolš aktyŭna, cikavicca, ci nie prymajuć ich pacyjenty dadatkovyja preparaty padčas ankalačeńnia», — padkreślivaje jana.
Asabliva važna, na dumku doktara, kab pacyjenty zaŭsiody railisia, pierš čym pasprabavać dadatkovyja mietady lačeńnia raku.
Niebiaśpieka ŭ tym, što mnohija pradukty mohuć pieraškadžać harmanalnaj terapii abo chimičterapieŭtyčnym praceduram, a niekatoryja ŭpłyvajuć na praces zhortvańnia kryvi — u vyniku rany mohuć haicca daŭžej, pakidajučy bolš rubcoŭ.
Jana nazvała pradukty raślinnaha pachodžańnia, jakija zapavolvajuć zhortvańnie kryvi:
andrahrafis miacielčaty
maruna
časnyk
hinkha biłoba
žańšeń
hłoh
konski kaštan
kurkuma.
Niekatoryja dadatkovyja mietady lačeńnia mohuć pryvieści da taho, što standartnyja mietady nie buduć pracavać tak, jak pavinny, papiaredžvaje dabračynnaja arhanizacyja pa vyvučeńni raku ŭ Vialikabrytanii Cancer Research UK.
Na svaim sajcie jany nahadvajuć: važna paźbiahać niekatorych praduktaŭ charčavańnia i napojaŭ. Naprykład, hrejpfrut i apielsin mohuć upłyvać na rasščapleńnie preparataŭ suprać raku ŭ arhaniźmie.
U internecie šmat niepravieranaj infarmacyi, tamu razmova z uračom harantuje atrymańnie dakładnaj infarmacyi, jakaja dapamoža chvoramu zrabić śviadomy vybar.
Siarod mietadaŭ, jakija stanoŭča ŭpłyvajuć na jakaść žyćcia chvoraha, prafiesar Kardosa vydzieliła johu, terapiju rejki i akupunkturu.
Ciapier čytajuć
Staŭ viadomy prysud eks-pamočniku Łukašenki Iharu Bryło2
Kamientary